26 Sekoko va to m'gela va txi kha vona: “Josefa a ngadi a txi hanya, ngene a fumelako ditiko dotshe da Egipta!” Se mbilu ya Jakobe yi to dhuka, nguko a ti si kholwi ka tile va nga txi ti womba.
Vanana vakwe votshe vamajaha ni vamahorana va to ya mkhongotela, aniko ene a to lamba kukhongotelwa, a txi khene: “Ahim-him ni na dila ni txi relela ka mwanana wangu, kufani.” Jakobe tate wawe, a to msaluka.
Mbimo yile moya wangu wu nga ti ti tsivala mndani kwangu, ani ni ku alakanyile Mkoma; se mkombelo wangu wu to wulela kwako, dithepeleni kwako ko sawuleka.
Kambe ene a to khene: “Mwanana wangu kha na mbi tsula ni nanu, nguko mwanawe a fite, se ku to sala ene ekha dwe. Ngako a txi manwa ngu phango emo mi no tsimbilela kona, mi na ni releta diphalani ni tinvi tangu.”
Sekoko tate wawe Jakobe, a va gete, a txi khene: “Anu mi zama kuheta vanana vangu: Josefa khaswi a diho kambe, Simiyoni kha nga ho hawa, se mi lava ku ni tekela ni ene Bhenjamini! Totshe tiya ti txitimwi kwangu.”