Genesisi 45:24 - Bhiblia Yo Sawuleka

²⁴ Se ngako a di salisanile ni vanawe, vona va to teka nzila, na Josefa a di va gete ku khene: “Mi nga henyisaneni hanzila!”

Genesisi 45:24 Referans Kwoze

1 Vatesalonika 5:13

Va xonipheni ngu lirando la hombe, ngu mhaka ya mthumo wawe. Hanyani navo ngu kudikha.

Genesisi 37:22

Rubheni a to engeta, a txi khene: “Hi nga theketeni mnoha wakwe! Mrinzeni ka diphala da mu txiwulani, aniko mi nga mpfinyeni ngu manza anu! Ene a ti ko zama ku m'hulukisa manzani kwawe, kasiku e mtshumeta a txi m'yisa ka tate wakwe.”

Genesisi 45:23

Ka tate wakwe, Josefa a rumete digumi da timbongola ta vamatune ti di rwate simaha sa lisima sa Egipta, ni digumi da timbongola ta mikati ti di rwate fulaho, ni sakudya, ni mbuva ya nzila.

Genesisi 45:25

Ti di ngeto, vona va to khukha ditikoni ka Egipta ve tsula Kanana, m'tini ka Jakobe, tate wawe.