Genesisi 45:20 - Bhiblia Yo Sawuleka

²⁰ mi nga karatekeni ngu si mi no si siya kheyo, nguko sotshe si i ku sa sinene ditikoni ka Egipta nzanu.”

Genesisi 45:20 Referans Kwoze

Isaya 1:19

Ngako mi txi tumela kuengisa, mi na dya so tshamba ha mafuni hawa.

Luka 17:31

“Ka donedo ditshiku, awu a ku txitimwi ka nyumba, na thundu yakwe yi di nyumbani, a nga thuke e txhika, eya yi teka; ni wu a ku thembweni, a nga tshumelele msana nene.

Ezekhiyele 20:17

Hambi keto diso dangu di va divalete, ni si va dayi, hambi ku va heta amu txiwulani.

Ezekhiyele 9:5

Se Mkoma a wombile ka vamwani, na ni txi tipfa nani: Mlondeteleni ngu msana didhoropani muwa, mi txi va xasela; wonisisani kha kwati, kambe mi nga va maheleni wumbilu.

Ezekhiyele 7:9

Se diso dangu kha di na mbi kutsetsa, kambe kha ni na mbi va ni wumbilu; madingano ni tinzila tako, ngu kumaha keto, ni na kunemetisela, manyala ako ma nava txitimwi kwako; se mi na tiziva taku ani Mkoma na tsayisa.

Ezekhiyele 7:4

Diso dangu kha di na mbi kutsetsa, kambe kha ni na mbi va ni wumbilu ni nawe, aniko ni na kutsayisa madingano ni dihanyo dako do biha, manyala ako ma nava hagari kwako; se mi na tiziva ti to ani ngani Mkoma.

Isaya 13:18

Va na fula mazambi ngu malaho awe, hambi vanana va va ku mndani, kha va na mbi pfelwa wusiwana, maso awe kha ma na mbi felela vanana.

Ezra 9:12

Se konkuwa, vanana vanu vamahorana, va nga tekwe ngu vanana vawe va majaha, ni vanana vawe vamahorana, va nga tekwe ngu vanana vanu va majaha, kambe mi nga laveni kuthutha ni kuzumbiseka kwawe; kasi ku mi ti tsanisa, mi txidya sa sinene sa ditiko diya, se mi na di maha thomba ya vanana vanu kala kupinduka.

1 Samuwele 30:24

Se i mani wu a ndi no mi engisa ka to fana ni tiya kani? Nguko txyavelo txa vale va nga ti ti yite yimbini txi na lumba vale va nga ti ti sate ni thundu; va na abaniselwa ngu kufana.

1 Samuwele 25:13

Ngu kumaha keto, Dhavhidha a to khene ka vathu vakwe: Mmwani ni mmwani a na ti sungi ditxhari dakwe. Va to sunga matxhari awe, se Dhavhidha nene a to sunga dakwe; Dhavhidha a to kwelela ni 400 wa vathu, kambe 200 va to sala ni tithundu.

1 Samuwele 10:22

Sekoko va to wotisa kambe ka Mkoma tito: M'thu wule a nata kambe hale kani? Se Mkoma a to xamula ku khene: Diyole, a baramile hagari ka thundu.

Joxuwa 7:11

Vathu va ka Israyeli va onhile, kambe va lekile txitumelelano txangu, atxi ni nga va leleta, va txi za ve teka ni sile so yiliswa, va pite, ni kuwomba makuhu, kala va txi si veka hahatshi ka tithundu tawe.

Dhewuteronome 19:21

Diso dako di nga mtsetse. Wutomi wu na dihwa ngu wutomi, diso ngu diso, dikwasa ngu dikwasa, dianza ngu dianza, mkondo ngu mkondo.”

Dhewuteronome 19:13

Kha kulaveki u txi mtsetsa; kambe u na fuvisa mhaka ya kutheketa mnoha wo mbi na mnandu ka va ka Israyeli se u na kateka.

Dhewuteronome 7:16

Ngu kumha keto, u na fuvisa vathu votshe, vale Mkoma, Txizimu txako, a no va ningela kwako; diso dako di nga ve ni wumbilu ngu vona, kambe u nga khozele sizimu sawe, eto ti nga va i di litshenga kwako.

Eksodha 22:7

Ngako m'thu a txi ya ningela ka mwakelani wakwe male mwendo simaha kasiku e si xayisa, se si txi ya piwa nyumbani ka wule a nga si amukela, ngako dikhokhokho da kona di txi manwa, di na diha ngu kuwuyeta kambidi wa kona.

Genesisi 45:18

mi na ya teka tate wanu, ni timwaya tanu, mi txi wuya kheno kwangu; ani ni nata mi ninga wukhalo wa wunene ditikoni ka Egipta, kasiku mi txi dya mihando ya kupfuna ka ditiko diya.

Matewu 24:17

awule a manekako txitimwi ka nyumba, a nga txhike a ta ti tekela simaha sa nyumbani kwakwe;

Genesisi 20:15

Abhimeleki a to engeta a txi khene: “Ndide ditiko dangu di masoni kwako, u nga sikota kuaka ni ka wuhi wukhalo u wu lavako.”

Genesisi 45:19

Awe Josefa, va gele kambe u txi khawe: Mahani tiya: Tekani sikotxikani sa ditikoni muwa ka Egipta, mi na ya sikota kuwuya ni vanana vanu ni vasikati vanu, ni tate wanu,

Genesisi 45:21

Vanana va ka Israyeli va to maha toneto. Josefa a va lulamisete sikotxikani madingano ni kuruma ka Faro, e va ninga ni timbuva ta nzila.

Genesisi 47:6

Ditiko da Egipta di mtamoni kwako: Akisa tate wako ni vananu, ka wukhalo wa wunene. Va na ake ditikoni ka Goxeni. Se ngako, u txi ziva ti to hagari kwawe ku ni vavamna va mtamo, u na va veka ve maha vahombe va mitxhambi ya sifuyo sangu.”