Genesisi 45:18 - Bhiblia Yo Sawuleka

¹⁸ mi na ya teka tate wanu, ni timwaya tanu, mi txi wuya kheno kwangu; ani ni nata mi ninga wukhalo wa wunene ditikoni ka Egipta, kasiku mi txi dya mihando ya kupfuna ka ditiko diya.

Genesisi 45:18 Referans Kwoze

Genesisi 47:6

Ditiko da Egipta di mtamoni kwako: Akisa tate wako ni vananu, ka wukhalo wa wunene. Va na ake ditikoni ka Goxeni. Se ngako, u txi ziva ti to hagari kwawe ku ni vavamna va mtamo, u na va veka ve maha vahombe va mitxhambi ya sifuyo sangu.”

Genesisi 27:28

Txizimu txi na ku nisela mwando wa nzumani, txi kuninga mafu o nona; ni kupfuna ka fulaho ni vhinya.

Masalmo 147:14

Wa tsanisa kudikha mndani ka mihingano ya ditiko dako a txi kukhurisa ngu fulaho ya yinene.

Mitengo 18:29

Ka sotshe si mi no ningwa, mi na thavisa simwani sa sinene mi ningela; awuwa ngu wona mningelo wo sawuleka.

Mitengo 18:12

Wotshe mtona wa wunene, ni vhinya yotshe ya yiphya, kumweko ni fulaho, ni sotshe si ku sa sinene, si lumbako mningelo wa Mkoma, ni si ningile kwako.

Isaya 28:4

Se txiluva txa kuwa ngu ka wudhumo wa ku ti tshurisela kwakwe, txi ku ha msungo ka mkova wo nona, txi na fana ni dikuwu, na ku si se hoka malanga, adi daku a txi di wona m'thu, na a ti nado manzani, wa di mita.

Isaya 28:1

Dikhombo ka m'bhoti wa kutikulisa ka madevi a ka Efrayime, ava wudhumo wa kutitshurisa kwawe wu fanako ni txiluva txi txiwako, txi ku ha msungo ka mkova wo nona, wa ku ti guletako ngu wona, wa va va nga xulwa ngu vhinya!

Masalmo 81:16

Kambe ni ndi na mninga fulaho ya yinene ngutu, ni mkhurisa ngu wulombe wo huma ngu mu ka dirigwi.”

Dhewuteronome 32:14

bhotela ya tihomu ta mikati ni masi a mtxhambi, ni mafura a sinvutana ni sihambana, sa kuta ngu Bhasani, ni a vamabhongwe, ni mafura a mpupu wa wunene wa fulaho; kambe u sete mnoha wa mauvha, i ku vhinya ya yinene.

Genesisi 45:17

Faro a to womba ka Josefa, a txi khene: “Gela vananu u txi khawe: Mahani tiya: Rwekani timbongola tanu, mi txi tsula ditikoni ka Kanana,

Genesisi 46:34

“Sekoko mi na khanu: Athu sithumi sako, hi vafuyi va sifuyo, kukhukhela ha wananani kwathu kala nyamsi, ngu wonewo mthumo wathu, hotshe ni vatate vathu. Wombisani toneto kasiku mi na mana kuya zumba Goxeni, nguko Vaegipta kha va dhundi vathu va i ku vadyisi.”