Genesisi 45:16 - Bhiblia Yo Sawuleka

¹⁶ Mhaka ya kubwaka ka vanawe Josefa ditikoni ka Egipta, yi to hoka ka Faro, se ene Faro ni manganakana akwe otshe, va to yi tsakela mhakeyo.

Genesisi 45:16 Referans Kwoze

Mithumo 7:13

Se ngako va di yite da wumbidi, Josefa a ti zivisile ka vanawe, se li txi zivaneka ka Faro lixaka lakwe.

Mithumo 6:5

Txikungo txiya txi tsakisile dibutho, se konaho va to khedha Sitefani, i nga ti dikholwa da kutsana, na a di tate ngu Moya wo Sawuleka, ni Filipi, ni Prokoro ni Nikanori, ni Timoni ni Parmenasi ni Nikolawu, mlondeteli wa kuta ngu Antiyokiya.

Esteri 5:14

Sekoko msikati wakwe Zeresi ni votshe vangana vakwe va to kha vona kwakwe: Ku na kelelwe phande ya kulapha ka mtxhanu wa magumi a mikono, se mangwana na gela mfumeli taku Mordhekayi e txikitwa ka yona, sekoko u wulela u di tsakile ni mfumeli ka m'buso wa hombe. Se txikungo etxo txi wonekile i di txatxinene ka Hamani, a to rumisa ti to yi kelelwa phande.

Esteri 2:4

Se muhorana wule a no woneka a txi tsakisa mfumeli, a na fume ka wukhalo wa Vhasta. Se mhaka yiya yi to tsakisa mfumeli, e maha toneto.

Esteri 1:21

Se mapswi ma to woneka i ti amanene masoni ka mfumeli ni ka vathangeli; kambe mfumeli a to maha madingano ni dipswi da Memukani.

2 Makronika 30:4

Se ti wonekile i di ta tinene masoni ka mfumeli ni ka wotshe msengeletano.

2 Samuwele 3:36

Mbimo yi votshe vathu va nga tipfa, va to tsakiswa ngu mhaka ya kona, ni ngu totshe tile mfumeli a nga maha, ti to woneka i di ta tinene masoni ka votshe vathu.

Dhewuteronome 1:33

awule a nga thangela masoni, a txi mi lavela wukhalo, kasi ku mi txi gova ka wona, ni wusiku a txi mi woninga ngu mndilo, ti to mi mana kuwona nzila yi mi fanelako kutsimbila ngu yona, ni mitshikari a txi mi komba nzila ngu direfu.

Genesisi 41:33

Se akuwa awe Faro, sawula wamwamna wa mapimo, wo ziva, u m'veka txitimwi ka ditiko da Egipta.

Genesisi 34:18

Mapswi awe ma to tsakisa Hamori ni Sikemi, mwanana wakwe.

Genesisi 20:15

Abhimeleki a to engeta a txi khene: “Ndide ditiko dangu di masoni kwako, u nga sikota kuaka ni ka wuhi wukhalo u wu lavako.”

Genesisi 16:6

Abramu a to womba ka Sarayi, a txi khene: “Wona, txithumi txako txi manzani kwako. Maha ka txona nga ti u ti lavisako tona.” Sarayi a to khata ku mahela tshofu Hagari, ahawa ka kuza Hagari e thava masoni kwakwe.

Genesisi 45:15

Josefa ngu msana ka kona a to pswopswa vanawe votshe, a txi va khutarela ngu diganda, na a txi dila. Msana keto, ngu kona vanawe va nga sikota kuwombawomba nayo.

Genesisi 45:17

Faro a to womba ka Josefa, a txi khene: “Gela vananu u txi khawe: Mahani tiya: Rwekani timbongola tanu, mi txi tsula ditikoni ka Kanana,

Genesisi 41:37

Kambe mapswi awa ma to maha amanene ka Faro ni ka sotshe sithumi sakwe.