Genesisi 45:15 - Bhiblia Yo Sawuleka

¹⁵ Josefa ngu msana ka kona a to pswopswa vanawe votshe, a txi va khutarela ngu diganda, na a txi dila. Msana keto, ngu kona vanawe va nga sikota kuwombawomba nayo.

Genesisi 45:15 Referans Kwoze

Luka 15:20

Se a to khukha, a txi tsula ka tate wakwe.” “Se ene a di ngadi kule, tate wakwe a to mu wona, a txi mu pfela wusiwana, a to tutuma a txi ya mu wukarela ngu mu ka thamo, a txi mu pswopswa.

Mithumo 20:37

Votshe va to khata kudila ngutu, va txi demberela m'thamoni ka Paulo,

Masalmo 77:4

Awe Txizimu khu ni leki ni txi mana wukohe, na karateka ngutu, ni pwata ni dipswi do kuangula!

2 Samuwele 14:33

Sekoko Jowabhi a to ya wulela ka mfumeli e xawutela timhaka eto. Sekoko Abhisalome a to dhanwa, eya wulela ka mfumeli, e khizama e namisa khohe yakwe hahatshi masoni ka mfumeli; se mfumeli a to pswopswa Abhisalome.

1 Samuwele 20:41

Se ngako mfana a di tsute, Dhavhidha a to khukha e wonetela didhawa da wulambwe, e ti wisa hahatshi ngu khohe yakwe, e khizama kuraru; kambe va to nyuntana, ve dila votshe, aha koza Dhavhidha e dila ngutu.

1 Samuwele 10:1

Sekoko Samuwele a to teka txingotwana txa mafura, e ma thela ha msungo ka Sawule, se e mnyuta, a txi khene: Ina Mkoma kha kutota mafura, kuva mthangeli txitimwi ka thomba yakwe kani?

Rute 1:14

Sekoko va to engeta kuguleta mapswi awe, va txi dila; se Orpa a to pswopswa masale wakwe, e tshumelela ka va ka kwawe; aniko Rute a to londeta Nowemi.

Rute 1:9

Mkoma a na mahe ti to mmwani ni mmwani wanu e mana kuhumula nyumbani ka mwamna wakwe. Se mbimo yile ene a nga va pswopswa, va to guleta mapswi awe, ve dila,

Eksodha 4:27

Ti di ngeto, Mkoma a wombile ka Aroni a txi khene: “Tsula u txi hingeta Mosi txiwulani.” Aroni a to khukha a txi tsula, eya manana nayo mmangoni ka Txizimu, a ha a nga mlosa ngu ku mpswopswa.

Genesisi 45:2

Se ene a to guleta dipswi a txi dila ngutu ahawa ka kuza Vaegipta vavangi ve mu engisa, dipswi di pfala ni m'tini ka Faro.

Genesisi 33:4

Sekoko Esawu a to tutuma e hingeta mnanda wakwe Jakobe, a to mñola, e mkhutarela, a txi mpswopswa, va txi dila ngu wumbidi wawe.

Genesisi 29:13

Se ngako Labhani a di engisile ti to Jakobe, mwanana wa ndiyakwe, a to tutuma e m'hingeta, e mkhutarela ngu mawoko, a txi mpswopswa, e tsula nayo nyumbani kwakwe. Se Jakobe a to xawutela ka Labhani totshe ti ti nga maheka.

Genesisi 29:11

Jakobe a to pswopswa Rakeli, se a txi kwangula, a txi dila.

Genesisi 42:24

Se a to khukha hafuhi kwawe a txi dila. Ngu msana a to wuya kwawe, e ta womba-womba navo, a to ñola Simiyoni, e msunga hagari kwawe.

Genesisi 45:14

Konako Josefa a to khutarela mnanda wakwe Bhenjamini ngu thamo, a txi dila. Nene Bhenjamini a to dila, a di khutarela ka thamo ya Josefa mkomwakwe.

Genesisi 45:16

Mhaka ya kubwaka ka vanawe Josefa ditikoni ka Egipta, yi to hoka ka Faro, se ene Faro ni manganakana akwe otshe, va to yi tsakela mhakeyo.

Genesisi 46:29

Sekoko Josefa a to lulamisa txikotxikani txakwe a txi kwela ka txona, e hingeta tate wakwe Israyeli, ditikoni ka Goxeni. Mbimo yi a nga mu wona, a to ya khutarela tate wakwe ngu thamoni kwakwe, a txi mpswopswa, e maneka a txi dila mbimo yo lapha, a di khutarete tate wakwe mawokoni kwakwe.