Genesisi 45:10 - Bhiblia Yo Sawuleka

¹⁰ Mi na ya zumba Goseni, hafuhi ni nani, awe, ni vanana vako, ni vatukulu vako, tinvuta tako ni tihomu tako, ni sotshe si si kulumbako.

Genesisi 45:10 Referans Kwoze

Eksodha 9:26

Ditikoni ka Goseni, amu va nga ti ka dona va ka Israyeli, ku ti si wi mati a maralala.

Eksodha 8:22

Se ka ditshiku dile, ni na hambanisa ditiko da Goxeni, adi va zumbako ka dona vathu vangu, ti to ku si maneki koneyo mabhawu, se u na tiziva ti to ani ngani Mkoma hagari ka ditiko dotshe.

Genesisi 46:34

“Sekoko mi na khanu: Athu sithumi sako, hi vafuyi va sifuyo, kukhukhela ha wananani kwathu kala nyamsi, ngu wonewo mthumo wathu, hotshe ni vatate vathu. Wombisani toneto kasiku mi na mana kuya zumba Goxeni, nguko Vaegipta kha va dhundi vathu va i ku vadyisi.”

Johani 17:24

Tata, ni dhunda ti taku avale u nga ni ninga, ve va ni nani, ahawa ani ni ku kona, kasiku ve wona kuphatima kwangu, kuphatima kuwa u nga ni ninga awe; nguko awe u ni randile u sanzi kuvanga ditiko.

Mithumo 7:14

Se Josefa a to rumela vathu veya teka Jakobe, tate wakwe, ni otshe maxaka akwe, mtengo wawe i nga ti mtxhanu wa magumi ni magumi mambidi, ni mtxhanu wa vathu.

Genesisi 47:1

Sekoko Josefa a to tsula ka Faro a txi ya m'gela ku khene: “Tate wangu ni vanathu, va bwakile na va txi ta ngu ditikoni ka Kanana, ni tinvuta tawe, tihomu tawe, ni sotshe si si va lumbako; se vona va maneka ka ditiko da Goxeni.”

Genesisi 47:6

Ditiko da Egipta di mtamoni kwako: Akisa tate wako ni vananu, ka wukhalo wa wunene. Va na ake ditikoni ka Goxeni. Se ngako, u txi ziva ti to hagari kwawe ku ni vavamna va mtamo, u na va veka ve maha vahombe va mitxhambi ya sifuyo sangu.”

Genesisi 47:4

Vona va to womba kambe ka Faro, va txi kha vona: “Hi tela ku ta aka ditikoni muwa kwako, nguko Kanana, mwani kwathu, kha kuswi ku di ni wudyiselo wa mitxhambi yathu, athu sithumi sako, ngu mhaka ya paya i ku ya hombe. Ha kombela ti to athu sithumi sako hi txi zumba ditikoni ka Goxeni.”

Genesisi 47:12

Josefa a to xayisa tate wakwe, ni vanawe ni totshe timwaya tawe, ngu ku vaninga sakudya so enela, ka mtengo wa mwaya ni mwaya.

Esteri 10:3

Nguko Mujudha wule Mordhekayi, mbwa wumbidi msana ka mfumeli Asuwero, kambe mbwa hombe ka Vajudha, a txi tsakelwa ngu dibutho da vanawe, a txi lava ti to va ka kwawe ve mahelwa wunene, ni kuthumela ku dotshe ditiko dakwe di mana kuhumelela.