Genesisi 45:1 - Bhiblia Yo Sawuleka

¹ Sekoko, Josefa kha sikota kutiñola masoni ka vathu votshe, vale va nga ti mrandete, a to kwangul, a txi khene: “Humani motshe mi ku hawa!” Kutisa sala ni wammweyo wa walo, mbimo yi Josefa a nga ti zivanekisa ka vanawe.

Genesisi 45:1 Referans Kwoze

Matewu 18:15

“Ngako mwananu a txi kuonhela, tsula u txi ya mu kawuka i di anu mokha, awe ni nene. Ngako a txi kuengisa, u na va u di hanyisile mwananu.

1 Vakorinto 13:5

lirando kha li mahi ati ti si nga ni sigelo, lirando kha li ti laveli sa lona, kha li kwati, kha li na txiviti.

Mithumo 10:41

i si nga ka votshe vathu, aniko ka tifakazi ti ti nga sawulwa ngu kale ngu txona Txizimu: I ku athu hi nga dya, hi txi sela kumweko nayo, msana ka kuva a di wukile ngu ka vofa.

Jeremiya 20:9

Sekoko ani ni ti khani: Kha ni na mbi mu alakanya, hambi kuwombawomba ngu ditina dakwe; aniko eto mbiluni kwangu ti to nga mndilo wo tura, na wu di tsivetwe marambuni kwangu; kambe ni rerekile ngu kuxaniseka se kha ni sikoti.

Isaya 42:14

Nguko ni malate mbimo yo lapha, ni di malate, ni ti ñola; se konkuwa ni na peka tihuwa, kufana ni wu a ku ha ko veleka, kambe votshe ni na va xasela, ni va mita.

2 Samuwele 1:20

Mi nga geleni va Gati, Mi nga nuweleni tiruwani ka Asikeloni, kasiku va si tsaki vanana vamahorana va Vafilista, va si ndakandaki vanana vamahorana va makhuto.

Mithumo 7:13

Se ngako va di yite da wumbidi, Josefa a ti zivisile ka vanawe, se li txi zivaneka ka Faro lixaka lakwe.

Genesisi 44:34

“Ni nga sikotisa kutxani ani kutshumela ni tsula m'tini ka tate, ni si nga nayo mfana wuwa, kani? Kha ni lavi kuya wona dikhombo di, di no ya wela txitimwi ka tate wathu.”

2 Samuwele 13:9

Se a to rewula digalangu e si phamela masoni ka Aminoni; kambe Aminoni a to lamba kudya. A txi khene: Gela vathu votshe ve huma nyumbani muwa! Se votshe va to huma nyumbani.

Genesisi 42:24

Se a to khukha hafuhi kwawe a txi dila. Ngu msana a to wuya kwawe, e ta womba-womba navo, a to ñola Simiyoni, e msunga hagari kwawe.

Zakariya 12:10

Se ni na thela Moya wa wumbilu ni wa mikombelo txitimwi ka nyumba ya ka Dhavhidha, ni txitimwi ka vaaki va Jerusalema; va na wonetela kwangu, ani va nga ni thola; kambe va na m'dilela ku nga vo dilela mwanana wammweyo dwe; kambe va na dila ngu txiviti ngu mhaka yakwe, kufana ni tile ku diliswako tona mwanana wa matiwula.