Genesisi 44:34 - Bhiblia Yo Sawuleka

³⁴ “Ni nga sikotisa kutxani ani kutshumela ni tsula m'tini ka tate, ni si nga nayo mfana wuwa, kani? Kha ni lavi kuya wona dikhombo di, di no ya wela txitimwi ka tate wathu.”

Genesisi 44:34 Referans Kwoze

Esteri 8:6

Nguko ni na sikotisa kutxani kuwona wubihi wu wu no wela va ka kwathu kani? Ni ti to ni na sikotisa kutxani kuwona kuloviswa ka liveleko lathu kani?

Masalmo 119:143

Ni taletwe ngu kupandiseka ni sikarato; aniko milayo yako ya ni ninga kutsaka.

Masalmo 116:3

Ni ti tombetetwe ngu majoke a lifo, ku asama ka diphala ku txi ni thela ndendema; ani ni to tala ngu kuthava ni kuxaniseka.

Jobe 31:29

Ngako ni di tsakisilwe ngu kuxaniseka ka wule a ni vengako, ni ku mwendo ni bhumile mbimo yi a nga welwa ngu to biha,

2 Makronika 34:28

Na ku tshanganisa ni vatate vako, u tshotshwa ngu kuthutha dithithani kwako, maso ako manambi kuwona kotshe kubiha ku ni no kunaheta txitimwi ka wukhalo wuwa ni ka vathu va kona. Se va to tshumela ni xamulo yiya veya gela mfumeli.

Eksodha 18:8

Se Mosi a to xawutela ka tate wakwe ngu ka msikati wakwe, totshe ti Mkoma a nga ti maha ka Faro ni ka Vaegipta, ngu mhaka ya va ka Israyeli, kumweko ni sotshe sikarato si va nga si mana dipfhumbani kwawe, asi ene Mkoma a nga va hulukisa ka sona.

Genesisi 44:33

Konkuwa, ani txithumi txako ni kombela ti to ni txi zumba ni di khumbi yako, mthangeli, ha wukhaloni ka mfana wuwa, kasiku ene a txi tshumela a txi tsula m'tini ka tate ni vakoma vakwe.

Genesisi 45:1

Sekoko, Josefa kha sikota kutiñola masoni ka vathu votshe, vale va nga ti mrandete, a to kwangul, a txi khene: “Humani motshe mi ku hawa!” Kutisa sala ni wammweyo wa walo, mbimo yi Josefa a nga ti zivanekisa ka vanawe.