Genesisi 44:30 - Bhiblia Yo Sawuleka

³⁰ Konkuwa ngako hi txi ya woneka nyumbani ka txithumi txako, i ku tate wathu, na mfana hi si nga nayo, awu moya wakwe i ku wumwewo ni moya wa tate,

Genesisi 44:30 Referans Kwoze

1 Samuwele 18:1

Kambe ku to maheka taku, a di gwitile kuwombawomba ni Sawule, mhefemulo wa Jonatani wu to patana ni mhefemulo wa Dhavhidha; se Jonatani a to m'randa kufana ni ti a ti randisako tona ene.

2 Samuwele 18:33

Sekoko mfumeli a to xaniseka ngutu mbiluni kwakwe; e kwelela eya ka nyumba yi yi nga ti txitimwi ka txike eya dila; a txi tsimbila, a ti ti khene; Mwanangu Abhisalome, mwanangu, mwanangu Abhisalome! Ngu kutxani ku nga mbi fa ani ka wukhalo wako, Abhisalome mwanangu, mwanangu!

1 Samuwele 25:29

Se ngako m'thu wokari a txo khukha e kututumisa, a txi lava ku kudaya, sekoko wutomi wako wu na sungwa ka nyanda ya vale va hanyako ka Mkoma, Txizimu txako; kambe wutomi wa valala vako wu na rinzwa kule, ku nga dirigwi do rinzwa ngu txibhalakaza.

Genesisi 44:34

“Ni nga sikotisa kutxani ani kutshumela ni tsula m'tini ka tate, ni si nga nayo mfana wuwa, kani? Kha ni lavi kuya wona dikhombo di, di no ya wela txitimwi ka tate wathu.”

Genesisi 44:31

se ngako kambe a txi wona ti to mfana kha hi nga nayo, a na fa, se athu sithumi sako hi nava hi di reletisile, ngu kupandiseka, tinvi ta msungo wa txithumi txako, tate wathu, diphalani ka vafi, a di ni txiviti.

Genesisi 44:17

Aniko Josefa a ti khene: “Ani ni kule ni kumahisa eto! M'thu wu di nga ya manekela kona digombe, eyo ngene a no va khumbi yangu; aniko anu motshenu, tshumelani ngu kuthutha mi tsula m'tini ka tate wanu.”

Genesisi 44:20

Athu hi xamute hi txi khathu: “Hi ngadi ni tate, awu se a nga kumba, ni mnanda wathu wammweyo, wo gwitisa, awu ene tate a nga m'veleka kukumbani kwakwe; mkomwakwe a fite, wa kuvelekwa nayo ngu mame mmweyo, ku to sala ene ekha mndani ka mame wakwe ni ka tate wathu, awu a mrandako ngutu!”

Genesisi 44:22

Athu hi xamute kwako, mthangeli, hi txi khathu: “Mfana wuwa kha sikoti kuhambana ni tate wakwe; nguko ngako a txi khukha ka tate wakwe, tate a na fa.”