Genesisi 44:29 - Bhiblia Yo Sawuleka

²⁹ “Ngako mi txi ni tekela wuwa kambe, mi txi tsula nayo, a txi thuka a txi ya humelwa ngu dikhombo dokari, kuxuphekani kwangu, mi na ni wisisa ni tinvi tangu diphalani ka vafi, ngu kunemelwa ngu txiviti.”

Genesisi 44:29 Referans Kwoze

Genesisi 42:38

Kambe ene a to khene: “Mwanana wangu kha na mbi tsula ni nanu, nguko mwanawe a fite, se ku to sala ene ekha dwe. Ngako a txi manwa ngu phango emo mi no tsimbilela kona, mi na ni releta diphalani ni tinvi tangu.”

Genesisi 43:14

Se Txizimu txa Mtamo-wotshe, txi na mi katekise masoni ka ene mamoyo, kasiku e mi leka mi wuya ni mmwani mnanda wanu, kumweko ni Bhenjamini. I di ani, ngako ti txi laveka ti to ni mwalalelwa ngu vanana, ni na mwalalelwe ngu vona!”

Dhewuteronome 31:17

Ka ditshiku donedo, ni na henya ngutu, ni txi va tsukula, ni txi va sisela khohe yangu. Se vona va na loviswa, makhombo amangi ni masingita ma na va thapela. Se ka donedo ditshiku, va na womba va txi kha vona: “Akuwa makhombo awa ma welako txitimwi kwathu, ina hi nga ti to Txizimu txathu kha txi swi txi diho hagari kwathu, kani?”

Genesisi 44:31

se ngako kambe a txi wona ti to mfana kha hi nga nayo, a na fa, se athu sithumi sako hi nava hi di reletisile, ngu kupandiseka, tinvi ta msungo wa txithumi txako, tate wathu, diphalani ka vafi, a di ni txiviti.

Genesisi 42:36

Sekoko tate wawe Jakobe, a va gete, a txi khene: “Anu mi zama kuheta vanana vangu: Josefa khaswi a diho kambe, Simiyoni kha nga ho hawa, se mi lava ku ni tekela ni ene Bhenjamini! Totshe tiya ti txitimwi kwangu.”

Genesisi 37:35

Vanana vakwe votshe vamajaha ni vamahorana va to ya mkhongotela, aniko ene a to lamba kukhongotelwa, a txi khene: “Ahim-him ni na dila ni txi relela ka mwanana wangu, kufani.” Jakobe tate wawe, a to msaluka.

Genesisi 42:4

Aniko Bhenjamini, mwanawe wa Josefa, kha lekwa ngu Jakobe e tsula ni vanawe, nguko a pimisile tito, a nga thuka e humelwa ngu phango yokari.