Genesisi 44:21 - Bhiblia Yo Sawuleka

²¹ Sekoko awe u wombile kwathu sithumi sako u txi khawe: Mi na ya wuya nayo, kasi ni ta mu wona ngu maso angu.

Genesisi 44:21 Referans Kwoze

Genesisi 42:15

Zivani ti to mi na xolisiswa; na xambanya ngu wutomi wa Faro, ti to kha mi na mbi huma hawa, ngako asi ti mnanda wanu wa tshole.

Genesisi 42:20

Mi na ya wuya ni mnanda wanu wa tshole, kasiku mapswi anu me maneka i di o tsana, ananu mi si fi.” Vona va to mahisa toneto.

Amosi 9:4

Se ngako va txiya kukhotelwani masoni ka valala vawe, ani na rumisa taku ve dawa ngu ditxhari; ani na veka diso dangu txitimwi kwawe, ti taku ve maneka ha kubihani, na i si nga wunene.

Jeremiya 40:4

Wona, ni ku txhatxhile titxhini ti ti nga ti mawokoni kwako. Ngako u txi lava kutsula ni nani Bhabhilona, ngono, ni na kuxayisa. Aniko u si ti lavi kutsula ni nani Bhabhilona, u nga sala. Hi nga wona, dotshe ditiko di masoni kwako; ni hayi ku ku tsakisako, aha u lavako kuya kona, tsula kheyo.”

Jeremiya 24:6

Ni na va wona ngu wunene, ni na tshumela ni va wuyisa ka diya ditiko. Ni na va akisa, ni si va wisi hahatshi; ni na va phaya ni si va duli.

Genesisi 43:29

A di gute maso, Josefa a to wona Bhenjamini mnanda wakwe, mwanana wa mame wakwe, a txi wotisa, a txi khene: “Ngene wuwa mnanda wanu wo gwitisa, mi nga ni bhulela ngu ngene, kani?” Sekoko a to tshuketa hafuhi kwakwe, a txi khene: “Txizimu txi na ku katekise, mwanangu!”

Genesisi 44:22

Athu hi xamute kwako, mthangeli, hi txi khathu: “Mfana wuwa kha sikoti kuhambana ni tate wakwe; nguko ngako a txi khukha ka tate wakwe, tate a na fa.”