Genesisi 44:20 - Bhiblia Yo Sawuleka

²⁰ Athu hi xamute hi txi khathu: “Hi ngadi ni tate, awu se a nga kumba, ni mnanda wathu wammweyo, wo gwitisa, awu ene tate a nga m'veleka kukumbani kwakwe; mkomwakwe a fite, wa kuvelekwa nayo ngu mame mmweyo, ku to sala ene ekha mndani ka mame wakwe ni ka tate wathu, awu a mrandako ngutu!”

Genesisi 44:20 Referans Kwoze

Genesisi 37:3

Se Israyeli a ti ti randa ngutu Josefa, kupinda votshe vanana vakwe, nguko i ti mwanana wa wukhovana wakwe; se a to rumisa ku e rungelwa dibhaji do lapha da mixowo yayingi.

Genesisi 42:38

Kambe ene a to khene: “Mwanana wangu kha na mbi tsula ni nanu, nguko mwanawe a fite, se ku to sala ene ekha dwe. Ngako a txi manwa ngu phango emo mi no tsimbilela kona, mi na ni releta diphalani ni tinvi tangu.”

Luka 7:12

Mbimo yi a nga hoka ha diphangoni ka didhoropa, a to manana ni vathu, va nga txi huma, va txi heleketa m'thu wa kufa, awu i nga ti mwanana wammweyo ekha wa mame wakwe wa noni; vavangi va kuhuma didhoropani va ti kumweko nayo mame wule wa noni.

Genesisi 49:8

Awe Judha, vananu va na kudhumisa, dianza dako di na khozisa tithamo ta valala vako; ni vanana va tate wako va na khizama masoni kwako.

Genesisi 46:21

Vanana va Bhenjamini: Bhela, Bhokore, Asibheli, Jera, Namani, Eki, Rosi, Mofini, Ofini ni Aredhi.

Genesisi 42:36

Sekoko tate wawe Jakobe, a va gete, a txi khene: “Anu mi zama kuheta vanana vangu: Josefa khaswi a diho kambe, Simiyoni kha nga ho hawa, se mi lava ku ni tekela ni ene Bhenjamini! Totshe tiya ti txitimwi kwangu.”

Genesisi 42:13

Vona va nje kha vona: “Athu sithumi sako, hi digumi ni vambidi vakoma ni vananda, vanana va wamwamna mmweyo, wa ditikoni ka Kanana; mnanda wathu wo gwitisa a sate ni tate wathu, kambe ku ti ti ni mmwani, aniko kha ngadi ho.”

Genesisi 37:19

Va to wombawombisana va txi kha vona: “Ndiyole nyamilorwani, wata!

Genesisi 35:18

Mbimo yi wu nga txi huma moya wakwe, na se lifo li di hafuhi, ene a to raya ditina mwanana, daku i Bhenoni; aniko tate wakwe a mrayile ku i Bhenjamini.