Genesisi 44:2 - Bhiblia Yo Sawuleka

² U na veka digombe dangu da silivhela disakani ka wu wa mnanda, ngu txitimwi ka fulaho, u txi veka ni male yi a nga ti tile nayo kasi ku ta xava sakudya ngu yona.” Ene a to mahisa toneto, a nga leletisa tona Josefa.

Genesisi 44:2 Referans Kwoze

2 Vakorinto 8:8

Kha ni wombi tiya ngu ku mi kurumeta, aniko ni lava ku mi duka ngu wunene wa vamwani, kasi kuwona wunene wa lirando lanu.

Matewu 10:16

“Wonani, ni mi ruma nga tinvuta hagari ka maxolwa; ngu toneto, txharihani nga minyoka, mi txi va vo mbi na wukhuxu kufana ni situvane.

Dhewuteronome 13:3

u nga engise mapswi a mprofeti eneyo mwendo mlori eneyo, nguko Mkoma, Txizimu txanu, ngene a mi dukako, kasi kuziva ti to ina ngu ditshuri ma randa Mkoma, Txizimu txanu, ngu yotshe mbilu yanu, ni wotshe moya wanu.

Dhewuteronome 8:16

awule a nga kudyisa manna txiwulani, aale vatate vanu va nga mbi ma ziva, na a txi mahela ku kuxanisa ni ku kuduka, kasi ku a txi ku mahela ta tinene;

Dhewuteronome 8:2

Alakanya yotshe nzila yi Mkoma, Txizimu txako, a nga maha ti to u txi tsimbila ngu yona, mune wa magumi a malembe, txiwulani, kasi ku kukhozisa ni ku kuduka, ti to e ziva ati ti ku mbiluni kwako, ti to mwendo u na vekisa sirumo sakwe, niku khu na mbi si vekisa.

Genesisi 43:32

Va to phamela sakudya ve ninga Josefa ha mezani kwakwe, ve phamela sa kuninga vanawe ha mezani kwakwe ni vona, ve phamela kambe Vaegipta va nga ti ti ho ha mezani kwakwe ni vona: Nguko Vaegipta kha va dyi kumweko ni Vahebheru, nguko eto ta yila ka Vaegipta.

Genesisi 42:20

Mi na ya wuya ni mnanda wanu wa tshole, kasiku mapswi anu me maneka i di o tsana, ananu mi si fi.” Vona va to mahisa toneto.

Genesisi 44:1

Josefa a to gela mxayisi wa m'ti wakwe, a txi khene: “Theletela sakudya masakani ka vathu vava, ma txi tala madingano ni ti va sikotisako tona kurwala, u txi veka kambe ngu txitimwi male ya mmwani ni mmwani disakani kwakwe.

Genesisi 44:3

Di di txite, va to va leka vathu vale ve tsula ni timbongola tawe.

Genesisi 44:12

Ene a to xola, a txi khata ngu ka disaka da mkomwawe, a txi ya gwitisa ngu ka disaka da mnanda wawe, ahawa digombe di nga ya maneka kona, disakani ka Bhenjamini.

Genesisi 42:25

Se Josefa a to ruma ku tata masaka awe ngu fulaho, ni ku va tshumeta male mmweyo ni mmweyo wawe, ve va ninga mbuva ya nzila; se va to va mahela toneto.