Genesisi 44:18 - Bhiblia Yo Sawuleka

¹⁸ Sekoko, Judha a to tshuketa hafuhi ka Josefa, a txi khene: “O! Nyamne wangu, na ku kombela, ni tumelele ani txithumi txako, ni womba dipswi dimwedo tinzeveni kwako nyamne wangu, ti to txiviti txako txi si humeleli txitimwi ka txithumi txako, nguko awe u fana ni Faro, ene apune!”

Genesisi 44:18 Referans Kwoze

Eksodha 32:22

Sekoko Aroni a to khene: U nga henye awe nyamne wangu; awe wa tiziva ti to vathu vava va bihile ngutu;

Genesisi 41:40

Awe u na va mthangeli wa nyumba yangu, ni vathu vangu votshe va na fumwa ngu milayo yako, ani ngu mhaka ya txikhunja txangu txa wukoma, ni va ni di wa hombe kwako.

Genesisi 18:30

Abrahamu a ti khene: “Mkoma wangu a nga henye, ngako ni txi tshumela ni womba-womba: Se ku txi maneka magumi mararu ko?” Mkoma a to xamula a txi khene: “Kha ni na mbi ti maha eto, ngako ni txi mana magumi mararu a vathu vo lulama.”

Genesisi 41:44

Se mfumeli Faro a to khene ka Josefa: “Ani ngani Faro, aniko hahanze ka kutumetiswa ngu ngawe, kuwalo ni wammweyo a no guleta dianza mwendo mkondo ka ditiko dotshe da Egipta.”

Genesisi 18:32

Abrahamu a to khene kambe: “Mkoma wangu a nga henye, ngako ni txi womba kambe ngu txikhati txo gwitisa. Idiku ko maneka digumi ko?” Mkoma a xamute a txi khene: “Kha ni na mbi lovisa didhoropa, ngu mhaka ya vona vale va digumi.”

Mithumo 2:29

“Vanathu, ni nga tsanisa ni mi gela ti to nyampande Dhavhidha a fite e tshotshwa, se diyiva dakwe di maneka hagari kwathu ni kona nyamsi.

Johani 5:22

Tate kha lamuli m'thu ni wammweyo, aniko a ningile Mwanana kulamula kotshe.

Dhaniyeli 5:19

Se ngu mhaka ya wuhombe wule txi nga mninga, votshe vathu, matiko ni tidimi va ti dhudhumela ni kuthava masoni kwakwe. A ti ni mtamo wo daya vathu ni waku va leka ve hanya, a tikulisa ni kuveka hahatshi ni wuhi a nga ti mlava.

Dhaniyeli 3:15

Se konkuwa koko, mi txi lava kuhuluka, mbimo yi mi no pfa diguwa da mpundu, ni sitende ni tingoma ni makhombela ni titshodi, ni wa totshe tixaka ta sivetaveta, khizamani mi khozela txithombe txile ni nga txi maha, mi na va mi txi maha kwati; aniko ngako mi si txi khozeli, mi na rinzwa ka mbimo yoneyo, mndani ka txikho txa mndilo wu wu turako ngutu; se ngu txihi Txizimu txi nga sikotako ku mi txhatxhisa manzani kwangu kani?

Mavingu 19:12

Kuhenya ka mfumeli, kufana ni kubhonga ka txingonyamwana; aniko wunene wakwe wu fana ni mwando txitimwi ka mwasi wo nakanna.

Masalmo 79:5

Mkoma, u na hi henyela kala mbimo muni kani? Txiluse txako txi na fana ni mndilo wo tura kani?

Jobe 33:31

Engisa koko, awe Jobe, ni pfisise; malala, se ani ni na womba-womba.

Esteri 1:12

Kambe Vhasta mfumeli wa txisikati, a to lamba kuta madingano ni dipswi da mfumeli, ngu dianza da mithenwa; ngu kumaha keto mfumeli a to henya ngutu, se txiviti takwe txi tura.

2 Samuwele 14:12

Sekoko wamsikati a to khene: Nikombela taku txithumi txako txi womba dipswi ka mfumeli, nyamne wangu. Se mfumeli a nje khene: Womba!

Genesisi 37:7

Hi ti ti maneka hi di thembweni, hi txi sunga tinyanda ta fulaho; nyanda yangu yi to wuka yi txi ema, se tanu tinyanda ti to randela nyanda yangu, ti txi yi khizamela.”

Genesisi 37:8

Sekoko vanawe va to kha vona kwakwe: “Ti komba ti to awe u na fuma txitimwi kwathu kani? Niku awe u na hi thangela nga m'thu wa hombe kani? Ngu kumaha yeto, va to m'vengela ngutu, ngu mhaka ya miloro yakwe, ni mapswi akwe.”

Genesisi 44:17

Aniko Josefa a ti khene: “Ani ni kule ni kumahisa eto! M'thu wu di nga ya manekela kona digombe, eyo ngene a no va khumbi yangu; aniko anu motshenu, tshumelani ngu kuthutha mi tsula m'tini ka tate wanu.”

Genesisi 37:6

Ene a va gete, a txi khene: “Engisani timhaka ta mloro wu ni nga va nawo: