Genesisi 44:16 - Bhiblia Yo Sawuleka

¹⁶ Sekoko Judha a to xamula, a txi khene: “Hi na womba txani kwako mthangeli, hi nga wombisa kutxani, hi ti basisisa kutxani kani? Txizimu ngu txona txi nga wonekisa kubiha kwathu, athu sithumi sako. Athu hi tikhumbi tako tata, athu hotshethu kumweko ni wule digombe dako di nga ya manekela manzani kwakwe.”

Genesisi 44:16 Referans Kwoze

Genesisi 44:9

Awule a no manwa hagari kwathu sithumi sako, a di natxo tximahetxo a na dawe, ni nathu hotshethu hi nava hi di tikhumbi tako, mthangeli.”

Dhaniyeli 9:7

Kulamula kulumba awe Mkoma, aniko kwathu ndingana ti wonekako nyamsi, tikhoheni kwathu; ka vavamna va ka Judha, ni vaaki va Jerusalema, ni dotshe ditiko da ka Israyeli; ka va hafuhi, ni ka va kule, ka otshe matiko ale u nga va hangalasa ka ona, ngu mhaka ya wuhambunyeti wawe, wule va nga kuhambunyeta ngu wona, ngu ku kuwukela.

Luka 12:2

Nguko kha ku na txilo txi txi nga fenengetwa, atxi txi no mbi vhunungulwa, hambi txi txi nga siswa, txi no mbi ziwa.

Mitengo 32:23

se ngako mi si mahisi eto, mi na va mi di onhile masoni ka Mkoma; sionho sanu si na mi tumbulisa, kambe mi na tsayiswa ngu mhaka ya sionho sanu.

Mithumo 2:37

Ngako vona va di engisile mapswi awa, va to pfa kutholwa timbiluni kwawe. Se ve wotisa ka Pedro ni ka vamwanyani Vapostoli, va txi kha vona: “Vanathu, nji txani hi fanelako kumaha kani?”

Matewu 7:2

Nguko mi na lamulwa nga ti mi lamulisako tona vamwani; ni mpimo wu mi pimako ngu wona vamwani, mi na pimwa ngu wona nanu.

Isaya 27:9

Ngu mhaka yeto, txi na thaveka txionho txa Jakobe, se awuwa wu na va m'hando wotshe wa kuva ku di thavisilwe txionho txakwe; mbimo yi a no maha ti to, otshe marigwi a ha txiluveloni, kufana ni marigwi a dibumba, ma nga khundumuselwa, tiphande ni sithombe sa ditambo, kha si na mbi ema

Isaya 5:3

Konkuwa koko, anu vaaki va Jerusalema, ni nanu vavamna va ka Judha, na mi kombela, lamulani hagari kwangu ni m'vhinya wangu.

Mavingu 28:17

Awu a ti rwekako mnandu ngu kudaya m'thu, a na ya gwitela nawo diphalani, kha nga ho a no muemisa.

Mavingu 17:15

Awule a emelako m'thu wo biha, ni wule a sungako m'thu wo lulama, ngu wumbidi wawe nzinyenyeko ka Mkoma.

Jobe 40:4

Wona taku kha ni nga wa txilo, ni na kuxamula txani ani kani? Ni tsiva txisofu txangu ngu dianza dangu.

Ezra 9:15

O! Mkoma, Txizimu txa ka Israyeli, awe u lulamile, nguko hi hulukile, ngako ti wonekako nyamsi; wona taku hiho masoni kwako, kudilani kwathu, nguko kha ngaho ni wammweyo wo dingana kuva masoni kwako, ngu mhaka ya toneto.

Ezra 9:10

Sekoko konkuwa, awe Txizimu txathu, hi na womba txani msana keto kani? Nguko hi lekile milayo yako,

Valamuli 1:7

Sekoko, Adhoni-Bhezeki a to khene: Mtxhanu wa magumi ni mambidi a vafumeli, va nga ti wiletwe titiho ta vanyagotwe, ta manzani ni ta mikondoni, va ti ti rolela maruru hahatshi ka meza yangu; ngu kumaha keto, Txizimu txi ni tshumetete madingano ni ti ni nga va mahela. Se va to tsula nayo Jerusalema, eyo a nga ya fela kona.

Joxuwa 7:18

se a di tshuketisile nyumba ya Zabhedhi, ngu m'thu ni m'thu, ku to sawulwa Akane, mwana Karimi, mwana Zabhedhi, mwana Zera, wa lihunzu la ka Judha.

Joxuwa 7:1

Aniko vanana va ka Israyeli va to ti mahela mnandu, ngu kunavela asi si nga yiliswa; nguko Akane, mwana Karimi, mwana Zabhedhi, mwana Zera, wa lihunzu la ka Judha, a to teka simaha si si nga yiliswa, se kuhenya ka Mkoma ku to vhutuka, a txi wukela vanana va ka Israyeli.

Dhewuteronome 25:1

Ngako vathu vambidi va txi henyisana, se ve yisa mhaka banzani kasi kuya lamulwa, valamuli va na thusa awu a nga lulama, va txi sunga awu a ku ni mnandu

Genesisi 44:32

Se ani, txithumi txako, ni ti sungile masoni ka tate ngu mhaka ya mfana wuwa, ni txi khani: “Ngako ni si wuyi nayo, ni na va ni mnandu kwako tata, ka otshe masiku a kuhanya kwangu.”

Genesisi 37:9

Ene a to lora wumwani mloro, awu a nga wu xawutela ka vanawe, a txi khene: “Ni lorile wumwani mloro: Ni woni ditambo, mtxima ni digumi da tinyeleti ni yimweyo, na si txi ni khizamela.”

Genesisi 37:7

Hi ti ti maneka hi di thembweni, hi txi sunga tinyanda ta fulaho; nyanda yangu yi to wuka yi txi ema, se tanu tinyanda ti to randela nyanda yangu, ti txi yi khizamela.”

Genesisi 44:17

Aniko Josefa a ti khene: “Ani ni kule ni kumahisa eto! M'thu wu di nga ya manekela kona digombe, eyo ngene a no va khumbi yangu; aniko anu motshenu, tshumelani ngu kuthutha mi tsula m'tini ka tate wanu.”

1 Vafumeli 17:18

Se ene a to khene ka Elija: Njitxani ni ku natxo ni nawe, awe m'thu wa Txizimu kani? U tile kasi ku ta ni wusela wusiwana wangu, u daya mwanana wangu kani?