Genesisi 43:8 - Bhiblia Yo Sawuleka

⁸ Sekoko Judha a to khene ka tate wakwe Israyeli: “Veka mfana wuwa mtamoni kwangu, hi na khukha hi txi tsula hi ya xava sa ku ta hanya nzala ngu sona, kasiku hi si fi athu ni nawe ni vanana vathu.”

Genesisi 43:8 Referans Kwoze

Genesisi 42:2

Se e engeta a txi khene: “Ani ni ti engisile ati to ditikoni ka Egipta, yi ho fulaho yi xaviswako. Relelani mi ya hi xavela, kasiku hi nata dya hi txi hanya, hi si fi ngu nzala.”

Dhewuteronome 33:6

A na hanye Rubheni, a nga fe; ni vathu vakwe va nave i di votala!”

Masalmo 118:17

Kha ni na mbi fa, aniko ni na hanya kasiku ni xawutela mithumo ya Mkoma!

Ezra 8:21

Sekoko ni to huwelela kutitona hafuhi ni mnambo wa Ahavha, kasi hi txi ti namisa masoni ka khohe ya Txizimu txathu, hi txi txi kombela nzila ya yinene yathu, ya vanana vathu, ni ya totshe tithomba tathu.

2 Vafumeli 7:13

Sekoko mmweyo wa sithumi sakwe, a to xamula a txi khene: A hi tekeni mtxhanu wa mahantxhi ka ya ma nga sala mndani muwa, se ni dotshe dibutho da va ka Israyeli va va nga sala muwa, va na nga tona tile va nga maha Vaisrayeli vale va nga lova; a hi va rumeleni hi na nga wona ati ti no maheka.

2 Vafumeli 7:4

Hi txo khathu a hi wuleleni didhoropani, ku ni nzala didhoropani, hi na ya fa; se ngako hi txi zumba hawa, hi na fa kambe; a hi tsuleni konkuwa hi txi ya ti ningela dizumboni ka Vasiriya; va txi ya hi leka hi hanya, hi na hanya; ni ngako va txi ya hi daya, hi na fa dwe.

Mitengo 14:31

Aniko vanana vanu, avale mi ku khanu va na ya tekwa ve maha tikhumbi, ngu vona ni no va maha ve wulela; se va na ya ziva ditikodo anu mi ngadi lamba.

Eksodha 20:12

Thava tate wako ni mame wako kasiku masiku ako ma na engetelwa ka ditiko di u nga ningwa ngu Mkoma, Txizimu txako.

Genesisi 50:21

Konkuwa, mi nga thaveni txilo. Ani ni na mi xayisa, kumweko ni vanana vanu. Ene a to va khongotela, a txi womba-womba navo ngu lirando.

Genesisi 50:8

Va tsute nayo votshe va mwaya wa Josefa, vanawe, ni yotshe ngamu ya tate wakwe. Ditikoni ka Goxeni ku to sala vanana vawe dwe ni mitxhambi yawe ya tinvuta ni ya tihomu.

Genesisi 45:19

Awe Josefa, va gele kambe u txi khawe: Mahani tiya: Tekani sikotxikani sa ditikoni muwa ka Egipta, mi na ya sikota kuwuya ni vanana vanu ni vasikati vanu, ni tate wanu,

Genesisi 44:26

athu hi mxamute hi txi khathu: Kha hi na mbi tsula, ngako mnanda wathu asi tsuli ni nathu, nguko kha ti na mbi ya koteka kutumelelwa ku hi txi tshuketa hafuhi ka wamwamna wuleya, hahanze ka kuva hi di ni mnanda wathu wo gwitisa.

Genesisi 42:38

Kambe ene a to khene: “Mwanana wangu kha na mbi tsula ni nanu, nguko mwanawe a fite, se ku to sala ene ekha dwe. Ngako a txi manwa ngu phango emo mi no tsimbilela kona, mi na ni releta diphalani ni tinvi tangu.”

Genesisi 44:20

Athu hi xamute hi txi khathu: “Hi ngadi ni tate, awu se a nga kumba, ni mnanda wathu wammweyo, wo gwitisa, awu ene tate a nga m'veleka kukumbani kwakwe; mkomwakwe a fite, wa kuvelekwa nayo ngu mame mmweyo, ku to sala ene ekha mndani ka mame wakwe ni ka tate wathu, awu a mrandako ngutu!”