Genesisi 43:7 - Bhiblia Yo Sawuleka

⁷ Se vona va xamute va txi kha vona: “Wamwamna wuleya, a hi wotisete madingano ni dihanyo dathu ni maxaka athu, a txi khene: Tate wanu a ngadi a txi hanya kani? Mi na ni mmwani mnanda kani?” Se hi to mxamula ngu mapswi oneyo amamwewo. Nga hi di ti zivisile kutxani ati to a na khene: “Wuyani ni mnanda wanu, kani?”

Genesisi 43:7 Referans Kwoze

Genesisi 43:3

Aniko Judha a mxamute, a txi khene: “M'thu wule a hi gete ngu kutsanisa, a txi khene: Kha mi na mbi ta wona khohe yangu, ngako mi si nga ni mnanda wanu.”

Genesisi 43:27

Aniko ene a to va khambisa thenga ngu lirando, a txi va wotisa ku khene: “Wa hanya tate wanu, txona txikhovana txi mi nga womba-womba ni nani ngu txona kani? Ene i ngadi mtomi kani?”

Genesisi 42:13

Vona va nje kha vona: “Athu sithumi sako, hi digumi ni vambidi vakoma ni vananda, vanana va wamwamna mmweyo, wa ditikoni ka Kanana; mnanda wathu wo gwitisa a sate ni tate wathu, kambe ku ti ti ni mmwani, aniko kha ngadi ho.”

Genesisi 43:6

Se Israyeli a to khene: “Ngu kutxani mi nga maha ta walo, mi womba ka wamwamneyo mi txi khanu, mi na ni mmwani mnanda kani?”

Genesisi 44:19

Mbimo yi nyamne wangu a nga hi wotisa athu sithumi sakwe, a txi khene: “Ina mi ngadi ni tate mwendo mi na ni mnanda kani?”

Genesisi 42:11

Athu hotshethu hi vanana va wamwamna mmweyo; hi vavamna vavanene; athu sithumi sako kha hi nga sinyengwani!”