Genesisi 43:28 - Bhiblia Yo Sawuleka

²⁸ Vona va to xamula va txi kha vona: “Txithumi txako, ene tate wathu, a ngadi ho, ene a ngadi a txi hanya.” Se vona va to nama, va txi mkhizamela.

Genesisi 43:28 Referans Kwoze

Genesisi 37:7

Hi ti ti maneka hi di thembweni, hi txi sunga tinyanda ta fulaho; nyanda yangu yi to wuka yi txi ema, se tanu tinyanda ti to randela nyanda yangu, ti txi yi khizamela.”

Genesisi 43:26

Mbimo yi Josefa a nga wulela nyumbani, va to mninga siningo si va nga ti naso, se va to khizama hahatshi, masoni kwakwe.

2 Makronika 24:17

Sekoko msana ka kufa ka mphaxeli Joyadha, vathangeli va ka Judha va to ta ti veka hahatshi masoni ka mfumeli, ene a to va engisa ngu kutsaka.

1 Vafumeli 1:16

Se Bhate-Xebha a to kwitimisa msungo, a txi nama masoni ka mfumeli, se mfumeli a nje khene: “Njitxani u txi lavako kani?”

2 Samuwele 14:4

Se wamsikati wa Tekoyi a to womba ka mfumeli, a to khizama e ti wisa hahatshi ngu khohe, a txi khene: Ni hanyise, awe mfumeli.

2 Samuwele 1:2

Ku to maheka taku, ngu ditshiku da wuraru, ku txi ta wamwamna wokari ngu wugoveloni ka Sawule, a di ambate syambalo so vharukela, a di ti theletete mafu ha msungo; se kumaheka ti to a di hokile ka Dhavhidha, a to ti wisa hahatshi, e khizama.

Eksodha 18:7

Sekoko Mosi a to huma e hingeta msade wakwe, a txi ya khizama masoni kwakwe e mpswopswa, va to khambana thenga, se ve wulela ditendani.