Genesisi 43:24 - Bhiblia Yo Sawuleka

²⁴ Msana keto, wamwamna wule a to heleketa vavamna vale m'tini ka Josefa, a txi ya va ninga mati ve samba mikondo yawe; kambe a ningile sakudya ka timbongola tawe.

Genesisi 43:24 Referans Kwoze

Genesisi 18:4

Ni na tisa mati amadotho, kasi mi nata samba mikondo, mi txi humula, mtsudini ka mndonga wuwa.

Genesisi 24:32

Sekoko wamwamna a to wulela nyumbani. Se Labhani a to ya txhatxha makamelu, a txi ma ninga diphunde ni lihawu, a txi wuyisa ka wule wa wamwamna mati a kusamba minenge, ene ni vavamna vale a nga ti navo.

Luka 7:44

Se a txi tshembereka, a txi wonetela awule wamsikati, a txi gela Simoni ku khene: “Wa mu wona wu wamsikati, kani? Ni wulete nyumbani kwako, khwa ni ha mati a kusamba mikondo, aniko ene a nakanisile mikondo yangu ngu mirongo yakwe, a txi yi bahulela ngu misisi yakwe.

Genesisi 19:2

a txi khene ka tona: “Anu vanyamne vangu, na mi kombela mi wulela nyumbani kwangu, ani txithumi txanu, mi na samba mikondo, mi txi otela wusiku wa nyamsi, ni mixo mi na teka kambe nzila yanu.” Aniko vona va xamute va txi kha vona: “Ahim-him, athu hi na otela hahanze.”

1 Timoti 5:10

Ta laveka ti to e ziwa ngu mithumo yakwe ya yinene; kufana ni kuwunja vanana ngu nzila ya yinene, kuamukela vapfhumba, kukuwula mikondo ya vasawuleki, kuvhuna ava va xanisekako, ni kutiningetela ka yotshe mithumo ya yinene.

2 Samuwele 11:8

Msana keto, Dhavhidha a to khene ka Uriya: Kwetima m'tini kwako, u ya samba minenge yako. Se ngako Uriya a di humile nyumbani ka wukoma, koneko ku to huma siningo ngu ka mfumeli so ya ka Uriya.