Genesisi 43:23 - Bhiblia Yo Sawuleka

²³ Ene a to khene: “Kuthutha ku nave ni nanu, mi nga thaveni; Txizimu txanu, i ku Txizimu txa tate wanu, ngu txona txi nga mi vekela thomba masakani kwanu; male yanu yi hokile kwangu.” Se a to humisa Simiyoni a txi mtisa kwawe.

Genesisi 43:23 Referans Kwoze

Genesisi 42:24

Se a to khukha hafuhi kwawe a txi dila. Ngu msana a to wuya kwawe, e ta womba-womba navo, a to ñola Simiyoni, e msunga hagari kwawe.

Johani 20:26

Ku di pindile mtxhanu wa masiku ni mararu, va to tshangana kambe vagondiswa nyumbani, se Tomasi a ti ti ho nene. Ku di sekilwe matimba, a to ta Jesu, a ta ema hagari kwawe, na a txi va losa kambe ngu mapswi awa: “Kudikha ku nave ni nanu!”

Johani 14:27

“Kudikha na kusiya kwanu, na mi ninga kudikha kwangu. Kha ni mi ningi kufana ni ti ditiko di ningisako tona. Mbilu yanu yi nga karateke, hambi ni kuthava.

Johani 20:21

Ene a to engeta a txi khene: “Kudikha ku nave nanu! Nga ti Tate a nga ni ruma, nanani na mi ruma.”

Johani 20:19

Minovani ka ditshiku dile, i ku ditshiku do khata ka divhiki, vagondiswa va ti maneka va di tshanganile ka wukhalo wokari, va txi ti sekela matimba, ngu kuthava Vajudha. Se Jesu e wulela, a txi ema hagari kwawe, a txi va losa ngu mapswi awa: “Kudikha ku nave ni nanu!”

Luka 24:36

Se va di ngadi va txi xawutela mhaka yiya, Ene a to ti wonekisa hagari kwawe, a txi va losa, a txi khene: “Kudikha ku nave ni nanu!”

Luka 10:5

Ka nyumba yihi ni yihi mi no wulela ka yona, khatani ngu ku khanu: ‘Kudikha ku nave ka nyumba yiya.’

Genesisi 42:28

A to khene ka vanawe: Va tshumetile male yangu, ndiye yi ho mu disakani kwangu ka fulaho: Sekoko timbilu tawe ti to ema, va txi kha vona mmwani ni mmwani: “Kasi nda txani tona tiya Txizimu txi hi mahelako kani?”

Ezra 4:17

Se mfumeli a to rumela xamulo yiya. “Ka Rewumi, mthangeli, ni ka Sinisayi mabhalani wa kona, ni ka vamwani vale a nga ti kumweko navo, va nga ti ti zumba Samariya; a to rumela kambe ka votshe vale va nga ti ti sate mtxhatuko ka mnambo a txi khene: Kuthutha! Ngu mbimo ya kona!”

1 Makronika 12:18

Sekoko Moya wu to wulela ka Amasayi, mthangeli wa va magumi mararu, wu txi kha wona: Athu hi vako, awe Dhavhidha! Kambe hi ni nawe, awe mwana Jese! Kudikha, kudikha ku nave ni nawe! Kudikha ku nave ni vale va ku vhunako! Txizimu txako txa kuvhuna. Se Dhavhidha a to va amukela e va maha vathangeli va mabutho a yimbi.

1 Samuwele 25:6

Se mi na ya khanu ka m'thu wule wo humelela: Kudikha ku nave ni nawe, ni nyumba yako yi nave ni kudikha, ni sotshe si wu ku naso si nave ni kudikha.

Valamuli 19:20

Sekoko txikosana txile txi to kha txona: “Kudikha ku nave ni nawe; totshe ti ti no ku kelelela ni na ku mahela, aniko mi nga oteleni hamtendelani wusiku wuwa.”

Valamuli 6:23

Aniko Mkoma a m'gete a txi kha ene: “Kudikha ku nave ni nawe! U nga thave nguko khu na mbi fa.”

Genesisi 43:14

Se Txizimu txa Mtamo-wotshe, txi na mi katekise masoni ka ene mamoyo, kasiku e mi leka mi wuya ni mmwani mnanda wanu, kumweko ni Bhenjamini. I di ani, ngako ti txi laveka ti to ni mwalalelwa ngu vanana, ni na mwalalelwe ngu vona!”

Genesisi 42:36

Sekoko tate wawe Jakobe, a va gete, a txi khene: “Anu mi zama kuheta vanana vangu: Josefa khaswi a diho kambe, Simiyoni kha nga ho hawa, se mi lava ku ni tekela ni ene Bhenjamini! Totshe tiya ti txitimwi kwangu.”

Genesisi 43:22

Kambe manzani kwathu hi ni yimwani male, ya ku ta xava sakudya; kha hi ti zivi to i mani a nga veka male yathu masakani kwathu.”

1 Makronika 12:19

Vokari va ka Manasi, va to ti ningela ka Dhavhidha, mbimo yile a nga xoma ni Vafilista, ku yalwa ni Sawule, hambi ku va nga mbi vhunetela Vafilista; nguko vathangeli va Vafilista va to maha txikungo txo mtshumeta, va txi kha vona: A na ya pinda eya ka nyamne wakwe Sawule, e beta misungo yathu.