Genesisi 43:21 - Bhiblia Yo Sawuleka

²¹ se ku to maheka taku, hi di hokile ha wukhaloni hawa hi nga ya gova, mbimo yi hi nga tula masaka athu, mmwani ni mmwani wa ka kwathu, a to mana male yakwe ha txisofuni ka disaka dakwe, yona male yathu ngu mtengo wa yona; se hi wuyile nayo kambe ngu manza athu.

Genesisi 43:21 Referans Kwoze

Genesisi 43:12

Se tekani male manzani kwanu yi di petilwe; ni male yile mi nga yi mana masakani kwanu; ñolani ni yona manzani kwanu; va nga thuka va di yi lekile ngu kulunduma.

1 Pedro 3:16

Mi fanete kumaha tiya ngu mbilu ya kululama, kasiku, hambi ka tile va wombako kubiha ngu nganu, ve thelwa tingana, avale va wombako kubiha ngu dihanyo danu ka Kristu.

1 Pedro 2:12

Wutomi wanu hagari ka va va si kholwiko, wu nave wa wunene ngutu, kasi ku ngako va txi mi lumbeta, kuva mi di vabihi, vona va na yi ziva mithumo yanu ya yinene, se ve dhumisa Txizimu ka ditshiku da kuta ka txona.

Vahebheru 13:18

Hi kombeleleni, nguko ha themba ti to hi ni livhalo la linene, na hi txi navela ngu yotshe mbilu kutsimbila ngu nzila ya yinene yotshe mbimo.

Vahebheru 13:5

Mi nga fumweni ngu male kuhanyani kwanu. Tsakani ngu si mi ku naso, nguko Mkoma apune a wombile a txi khene: “Kha ni na mbi thuka ni kuleka, kha ni na mbi nga va ni ku kutshotsha.”

Varoma 13:8

Mi nga veni ni txikweneti ka mmwani m'thu, hahanze ka txikweneti txa lirando. Nguko awule a randako m'thu kulowe, a hetisile mlayo.

Varoma 12:17

Mi nga tshumeteleni kubiha ngu kubiha, kambe zamani kumaha ti i ku ta tinene masoni ka votshe vathu.

Genesisi 43:15

Se vavamna va to teka txiningo txile, ni male yo khata ni ya wumbidi, kumweko ni Bhenjamini; ve khukha ve relela Egipta, veya ti kombekisa masoni ka Josefa.

Genesisi 43:20

“Se va to kha vona: Yowe! Awe nyamne wathu, hi relete do khata, hi ta xava sakudya;

Genesisi 43:22

Kambe manzani kwathu hi ni yimwani male, ya ku ta xava sakudya; kha hi ti zivi to i mani a nga veka male yathu masakani kwathu.”

Genesisi 44:8

Wona: Male yi hi nga yi mana masakani kwathu ka fulaho, hi tshumetile hi txi yi wuyisa kwako ngu Kanana, mwani kwathu. Hi nga va hi di mahisile kutxani, kupa nyumbani ka nyamne wako, silivhela mwendo nzalama kani?