Genesisi 43:14 - Bhiblia Yo Sawuleka

¹⁴ Se Txizimu txa Mtamo-wotshe, txi na mi katekise masoni ka ene mamoyo, kasiku e mi leka mi wuya ni mmwani mnanda wanu, kumweko ni Bhenjamini. I di ani, ngako ti txi laveka ti to ni mwalalelwa ngu vanana, ni na mwalalelwe ngu vona!”

Genesisi 43:14 Referans Kwoze

Esteri 4:16

Tsula u ya sengeleta votshe Vajudha vale va manekako Susani, mi titona sakudya ngu mhaka yangu, mi heta masiku mararu mi si dyi txilo hambi kusela wusiku ni mitshikari, se ani ni mahorana angu hi na maha toneto, hi titona sakudya nathu; ngu kumaha keto, ni na tsula kuya wonana ni mfumeli, hambi ku i singako mlayo; aniko ni txi lova, ni na love.

Genesisi 17:1

Mbimo yi Abramu a nga va ni tanga ya mtxhanu ni mune wa magumi ni mtxhanu ni mune a malembe, Mkoma a to humelela masoni kwakwe, a txi khene: “Ani ni Txizimu txa Mtamo-Wotshe, u fanete kuhanya masoni kwangu, u txi ni engisa ngu kuhetiseka.

Mithumo 21:14

Ngako yi nga ti pwateka nzila ya ku mu thindekisa, hi to leka ku mkhongotela, hi txi khathu: “Ku na mahwe kuranda ka Mkoma.”

Nehemiya 1:11

O! Mkoma, ti na pfisise koko tinzeve tako mkombelo wa txithumi txako, ni mkombelo wa sithumi sako si si thavako ditina dako; humelelisa txithumi txako nyamsi, u txi ninga kukateka masoni ka wamwamna wuwa. Sekoko ani ni ti ti mtheleli wa sa kusela sa mfumeli.

Mavingu 16:7

Ngako tinzila ta m'thu ti txi tsakisa Mkoma, a maha taku m'thu e mana kuthutha ni valala vakwe.

Masalmo 119:41

Mkoma Txizimu, wumbilu wako wu nate kwangu; u txi ni hanyisa madingano ni txithembiso txako.

Masalmo 100:5

Nguko Mkoma mbwamnene, ni wumbilu wakwe kha wu na magwitiko! Kambe ditshuri dakwe nda liveleko ni liveleko.

Genesisi 22:14

Se Abrahamu a to raya wukhalo wule ditina do khene “Mkoma a na ti wonela.” Kukhukhela konaho kala ka ditshiku da nyamsi, kudhanwa ku “Mmangoni Txizimu txi na ti wonela.”

2 Johani 1:3

kateko ni wumbilu ni kudikha, si txi huma ngu ka Txizimu Tate ni ka Jesu Kristu, Mwanana wa txona, si nave ni nathu, si txi hi tsanisa amu ka ditshuri ni mu ka lirando.

Titosi 1:4

ni bhalela Titosi, mwanana wangu wa ditshuri ngu mu ka likholo, li i ku la hotshethu, ni khani: Na ku navelela kateko ni kudikha, asi si tako ngu ka Txizimu ni ka Jesu Kristu Muhanyisi wathu.

1 Timoti 1:16

A ni mahete wumbilu ani txionhi txo thanga, kasiku Jesu Kristu a txi kombisa ngu ngani kotshe kutimisela ka mbilu yakwe, a txi ni maha txikombiso ka vale va no kholwa kwakwe, ti to ve mana wutomi wo mbi guma.

1 Timoti 1:2

Ni bhalela Timoti, mwanana wangu wa ditshuri ngu mu ka likholo: Kateko ni wumbilu ni kudikha, si txi ta ngu ka Txizimu Tate ni ka Kristu Jesu Mkoma wathu.

Mithumo 7:10

Txi to m'hulukisa ka otshe makhombo akwe, txi mninga kateko ni wuzivi masoni ka Faro, mfumeli wa Egipta; se ene mfumeli a mmahile mfumeli wa Egipta ni wa yotshe nyumba yakwe.

Luka 1:50

Ni wumbilu wakwe wu tshanganile ka liveleko ni liveleko la vale va mthavako.

Isaya 49:13

Giya awe nzuma, se tsaka nawe mafu, kambe anu mimango kulungelani ngu kutsaka ka hombe, nguko Mkoma a thavelete vathu vakwe, a na pfela wusiwana vaxaniseki vakwe.

Mavingu 21:1

Mbilu ya mfumeli manzani ka Mkoma, yi fana ni txinambwana txa mati; yi maha totshe ti ene a ti lavako.

Mavingu 1:1

Mavingu a Solomoni, mwana Dhavhidha, mfumeli wa Israyeli.

Ezra 7:27

A na dhumiswe Mkoma, Txizimu txa vatate vathu, a nga thela timhaka tongeto mbiluni ka mfumeli, kuva hi tshurisela Nyumbani ka Mkoma, kona Jerusalema.

Genesisi 42:36

Sekoko tate wawe Jakobe, a va gete, a txi khene: “Anu mi zama kuheta vanana vangu: Josefa khaswi a diho kambe, Simiyoni kha nga ho hawa, se mi lava ku ni tekela ni ene Bhenjamini! Totshe tiya ti txitimwi kwangu.”

Genesisi 42:24

Se a to khukha hafuhi kwawe a txi dila. Ngu msana a to wuya kwawe, e ta womba-womba navo, a to ñola Simiyoni, e msunga hagari kwawe.

Genesisi 39:21

Mkoma a ti ti kumweko ni Josefa, a txi telwa ngu wumbilu ngu ngene, a txi maha ti to e mana mathomo, masoni ka mxayisi wa mkora.

Genesisi 35:11

Se Txizimu txi m'gete kambe, txi txi kha txona: “Ani ngani Txizimu txa mtamo wotshe. Velekelanani mi txi anda. Ngu kwako ku na humelela mfumo, ni matiko o tala, ni vafumeli va na huma ngu kwako.

Genesisi 28:3

Txizimu txa mtamo wotshe txi na ku katekise, txi txi kuninga liveleko lo tala, u txi anda, u txi maha tate wa tihunzu to mbi balwa.

Masalmo 85:7

Hi kombe awe Mkoma, wumbilu wako u hi ninga kuhanyisa kwako!

Johani 19:22

Pilato a to va xamula, a txi khene: “Ati ni nga bhala, ni bhate.”

Genesisi 43:13

Tekani mnanda wanu mi tsula nayo, mi txi ya ka ene mamoyo.

Masalmo 106:46

Ngu toneto, a mahile ti to va ka Israyeli ve pfelwa wusiwana ngu vale va nga va maha tikhumbi.

Genesisi 44:12

Ene a to xola, a txi khata ngu ka disaka da mkomwawe, a txi ya gwitisa ngu ka disaka da mnanda wawe, ahawa digombe di nga ya maneka kona, disakani ka Bhenjamini.