Genesisi 43:12 - Bhiblia Yo Sawuleka

¹² Se tekani male manzani kwanu yi di petilwe; ni male yile mi nga yi mana masakani kwanu; ñolani ni yona manzani kwanu; va nga thuka va di yi lekile ngu kulunduma.

Genesisi 43:12 Referans Kwoze

Genesisi 42:25

Se Josefa a to ruma ku tata masaka awe ngu fulaho, ni ku va tshumeta male mmweyo ni mmweyo wawe, ve va ninga mbuva ya nzila; se va to va mahela toneto.

Genesisi 42:35

Mbimo yi vona va nga txi kutulela masaka awe, mmweyo ni mmweyo, disakani kwakwe, a to mana txipatxhi txi di ni male yakwe; se ngako va di woni male yawe amu ka siya, vona ni tate wawe, va to dhudhumela.

Vahebheru 13:8

Jesu Kristu ngeneyo wammweyo, nyamnova, nyamsi ni yotshe mbimo.

1 Vatesalonika 5:21

Kambe wonisisani sotshe, mi ñolisisa asi i ku sa sinene.

1 Vatesalonika 4:6

Ka yiya mhaka, m'thu a nga thuke a txi dyelela mkwawe, nguko Mkoma wa ziva kupharela ka sotshe siya, kota nga ti hi nga mi gela, hi txi tshumela hi mi xambanyela.

Vafilipiya 4:8

Vanathu, ngu kugwitisa, ni khani: Totshe ti i ku ta ditshuri, totshe ti i ku ta lisima, totshe ti i ku ta kululama, totshe ti ti dhundekako, totshe ti ti ku ni nduma ya yinene, totshe ti i ku ta mahanyelo amanene ni kudhumiseka, ngu toneto mi fanelako kuzumba mi txi ti alakanya.

2 Vakorinto 8:21

Nguko, hi thela kota ngu kumaha mithumo ya yinene i si nga masoni ka Mkoma dwe, kambe ni masoni ka vathu.

Varoma 13:8

Mi nga veni ni txikweneti ka mmwani m'thu, hahanze ka txikweneti txa lirando. Nguko awule a randako m'thu kulowe, a hetisile mlayo.

Varoma 12:17

Mi nga tshumeteleni kubiha ngu kubiha, kambe zamani kumaha ti i ku ta tinene masoni ka votshe vathu.

Genesisi 43:13

Tekani mnanda wanu mi tsula nayo, mi txi ya ka ene mamoyo.

Genesisi 43:21

se ku to maheka taku, hi di hokile ha wukhaloni hawa hi nga ya gova, mbimo yi hi nga tula masaka athu, mmwani ni mmwani wa ka kwathu, a to mana male yakwe ha txisofuni ka disaka dakwe, yona male yathu ngu mtengo wa yona; se hi wuyile nayo kambe ngu manza athu.

Genesisi 43:22

Kambe manzani kwathu hi ni yimwani male, ya ku ta xava sakudya; kha hi ti zivi to i mani a nga veka male yathu masakani kwathu.”