Genesisi 43:11 - Bhiblia Yo Sawuleka

¹¹ Sekoko tate wawe Israyeli, a to va gela, a txi khene: “Ngako ti di ngeto, mahani toneto! Thelani sa lisima ngutu sa ditiko dathu, mi na ya maha siningo ka mamoyo: Mafura amadotho o bhumula, ni wulombe wa wudotho, ni makha, ni mira, ni mapistasi, ni tifula.

Genesisi 43:11 Referans Kwoze

Genesisi 37:25

Ti di ngeto, va to khalahatsha va txi dya sakudya. Mbimo yi va nga gula maso, va to wona mtxawa wa va ka Ismayeli, va kuta ngu Gileyadhi; makamelu awe ma ti rwate mafura o bhumula, ni makha, ni mira, va txi ya naso Egipta.

Jeremiya 8:22

Ina kha ku nga ni mrende Gileyadhi, mwendo kuwalo ñanga koneyo kani? Ngu txani koko, a nga mbi kalamukiswa mwanana wa txisikati wa vathu vangu kani?

Ezekhiyele 27:17

Judha ni ditiko da Israyeli i ti ti vaxavi kwako, va fulaho yota ngu Miniti, ni mpupu, ni wulombe, ni mtona, ni sa kutola, va xaviselani ni nawe

Mavingu 18:16

Txiningo txa m'thu txa mtulela nzila, ni ku mtshuketisa hafuhi ka vahombe.

1 Samuwele 9:7

Sekoko Sawule a to khene ka dijaha dakwe: Ahi wone taku, ngako hi txi tsula koneyo, sekoko hi na tsula ni txani ka wamwamna wule, kani? Nguko timbuva tathu ti gumile, ni ku kha yi ngani txihiwa ni txa tximwetxo txo ya ninga m'thu wa Txizimu; I txani hi ku natxo kani?

Mithumo 21:14

Ngako yi nga ti pwateka nzila ya ku mu thindekisa, hi to leka ku mkhongotela, hi txi khathu: “Ku na mahwe kuranda ka Mkoma.”

Ezekhiyele 27:15

Vanana va Dhedhani i ti ti vaxavi vako; sitondolo sasingi i ti ti makhalo a wukwewu wako; sitondolo sasingi i ti ti dibhindu da manza ako; va ti ti kuninga siningo sa makwasa a tinzofu ni mapulango a mtima.

Ndando ya Tindando 8:14

Ngono ngu kukuluveta txirandwa txangu, tutuma kufana ni txipene mwendo mbavala, txitimwi ka mimango ya so bhumulisa.

Ndando ya Tindando 4:14

Nardhu ni safarawu, ni kalamoni ni kanela, ni yotshe mindonga ya dibaselo, ni mira ni alowesi, ni sotshe sibhumuliso.

Ndando ya Tindando 4:10

Hi nga kutshura ka lirando lako ndiyangu! Awe msikati wangu, lirando lako nda linene kupinda vhinya! Ni kubhumula ka mafura ako ka tsakisa kupinda yotshe mixowo ya makha.

Mavingu 21:14

Txiningo txa txihunjani, txa hungula kuhenya, ni hakhelo ya ha kusisalani, ya boxisa kuhenya ka hombe.

Mavingu 19:6

Vo tala va dilela khohe ya dixonga da mfumeli, na kuve mmweyo ni mmweyo mngana wa wule a mningako txokari.

Mavingu 17:18

M'thu wo pwata mapimo wa ti thembisela, a txi zama ku ti maha wo dihela minandu ya mngana wakwe.

Masalmo 76:11

Mahani sithembiso ka Mkoma, Txizimu txanu, aniko txi ningeni asi mi nga txi thembisa. Otshe matiko a hafuhi ma na wuyise miningelo me ta luva Txizimu txi fanelako kuxoniphwa!

Masalmo 72:10

Vafumeli va Tarxixi ni va sitondolo va na m'luva; vafumeli va Sabha ni va Sebha va na rumela tinduvo!

Masalmo 68:29

Dithepele dako di maneka Jerusalema; vafumeli va tsula koneyo va txi ya ku mahela siningo.

Esteri 4:16

Tsula u ya sengeleta votshe Vajudha vale va manekako Susani, mi titona sakudya ngu mhaka yangu, mi heta masiku mararu mi si dyi txilo hambi kusela wusiku ni mitshikari, se ani ni mahorana angu hi na maha toneto, hi titona sakudya nathu; ngu kumaha keto, ni na tsula kuya wonana ni mfumeli, hambi ku i singako mlayo; aniko ni txi lova, ni na love.

2 Vafumeli 20:12

Ka yona yile mbimo Merodhake-Bhaladhani, mwana Bhaladhani, mfumeli wa Bhabhilona, a to rumela mapasi ni txihiwa ka mfumeli Ezekhiya, nguko a ti ti pfite taku Ezekhiya a ti nga lwala.

2 Vafumeli 16:8

Se Akazi a to teka silivhela ni nzalama, si nga txi maneka Nyumbani ka Mkoma, ni sisangalani ka nyumba ya mfumeli, e rumela kota txiningo ka mfumeli wa Asiriya.

2 Vafumeli 8:8

Sekoko mfumeli a to khene ka Hazayeli: Teka txiningo manzani kwako, u hingeta m'thu wa Txizimu, a na ku wotisele ka Mkoma, a txi khene: Ina ni na kalamuka ka wulwati wuwa kani?

1 Vafumeli 15:19

Txitumelelano txi hagari kwangu ni nawe, hagari ka tate wangu ni tate wako; wona ti to na rumela txiningo kwako, silivhela ni nzalama. Tsula uya txhatxha txitumelelano txako ni Bhahasa, mfumeli wa Israyeli, kasiku e khukha kwangu.

1 Vafumeli 10:25

Se mmweyo ni mmweyo a txi ta mninga siya sa silivhela ni siya sa nzalama, ni syambalo, ni matxhari, ni sithimbelo so bhumula ni mahantxhi ni mamula; tximwetxo ni tximwetxo ngu dilembe ni dilembe.

1 Vafumeli 10:15

hahanze ka mikhupo yi yi nga ti dihwa ngu vaxavisi, mabhindu a wukwewu, ni yi va nga ti diha vaxavisi va makha, ni a votshe vafumeli va Arabhiya, ni vathangeli va ditiko da kona.

1 Vafumeli 4:21

Solomoni a ti ti khozisa yotshe mifumo kukhukhela mnamboni ka Ewufrate, kala ditikoni ka Vafilista, kala magwito ka Egipta; va ti mluva ni ku mthumela ka otshe masiku a kuhanya kwakwe.

1 Samuwele 25:27

se konkuwa a txiya txiningo txi txihumi txako txa txisikati txi tisako ka nyamne wangu; u na ninga vafana vale va londetako mikondo ya nyamne wangu.

Dhewuteronome 33:14

mihando ayi yi vitiswako ngu ditambo, ni mihando yi yi manekako ngu mtxima;

Genesisi 43:14

Se Txizimu txa Mtamo-wotshe, txi na mi katekise masoni ka ene mamoyo, kasiku e mi leka mi wuya ni mmwani mnanda wanu, kumweko ni Bhenjamini. I di ani, ngako ti txi laveka ti to ni mwalalelwa ngu vanana, ni na mwalalelwe ngu vona!”

Genesisi 33:10

Sekoko Jakobe a ti khene: “Ahim-him, ani na ku kombela! Ngako ni nga mana kuamukeleka masoni kwako, amukela txiningo txa manzani kwangu. Nguko ni woni khohe yako, nga ni to wona khohe ya Txizimu, se awe u ni amukete ngu kuthutha.

Levhi 20:24

Ani ni mi gete ni txi khani: Anu mi na ya fumela ditiko dawe, ni na mi ninga dona di txi va i di thomba yanu, ditiko edo di khulungako masi ni wulombe. Ani ngani Mkoma, Txizimu txanu, ni nga mi thavisa hagari ka vamwani vathu.

Genesisi 43:10

“Se i tiku kha ha swela, akuwa nga i di kuwuya ka wumbidi!”

Genesisi 43:15

Se vavamna va to teka txiningo txile, ni male yo khata ni ya wumbidi, kumweko ni Bhenjamini; ve khukha ve relela Egipta, veya ti kombekisa masoni ka Josefa.

Genesisi 43:25

Vona va to lulamisa siningo sawe, sa ku ta ninga Josefa, a nga ti fanela kubwaka ni mitshikari, nguko va ti zivile ti to va na mahelwa konaho sakudya sa dhina.

Genesisi 43:26

Mbimo yi Josefa a nga wulela nyumbani, va to mninga siningo si va nga ti naso, se va to khizama hahatshi, masoni kwakwe.

Ezekhiyele 27:22

Vanyamabhindu va Sabha ni Rama, i ti ti vona vaxavisi vako; ka sotshe sile so bhumula ngutu, ni ka otshe marigwi a lisima, kambe ngu nzalama va ti ti xavisa ka makhalo ako.

Eksodha 3:8

Ngu mhaka yeto ni relete kasiku ni txi va thusa mu manzani ka Vaegipta, ni txi va humisa ka ditiko donedo, va txi ya ka ditiko da dinene, da hombe, ditiko di di khulungako masi ni wulombe, wukhalo wa Vakanana, wa Vaheti, wa Vaamori, wa Vaferezi, wa Vahevhi ni wa Vajebhuzi.