Genesisi 42:36 - Bhiblia Yo Sawuleka

³⁶ Sekoko tate wawe Jakobe, a va gete, a txi khene: “Anu mi zama kuheta vanana vangu: Josefa khaswi a diho kambe, Simiyoni kha nga ho hawa, se mi lava ku ni tekela ni ene Bhenjamini! Totshe tiya ti txitimwi kwangu.”

Genesisi 42:36 Referans Kwoze

Genesisi 43:14

Se Txizimu txa Mtamo-wotshe, txi na mi katekise masoni ka ene mamoyo, kasiku e mi leka mi wuya ni mmwani mnanda wanu, kumweko ni Bhenjamini. I di ani, ngako ti txi laveka ti to ni mwalalelwa ngu vanana, ni na mwalalelwe ngu vona!”

1 Vakorinto 10:13

Kha mi nzi kuhumelelwa ngu txiduko txa kuhambana ni siduko sa vamwani vathu. Txizimu txi thembekile, kha txi na kutumela ti to mi txi dukwa ngu si si ku txitimwi ka mtamo wanu. Aniko, ngako txiduko txi txi mi tela, a na mi ninga nzila ya kupona ka txona, ni mtamo wa ku txi rwala.

Varoma 8:31

Hi na khathu txani ngu tona tiya kani? Ngako Txizimu txi di kumweko ni nathu, i mani a no hi wukela kani?

Varoma 8:28

Athu ha tiziva ti to Txizimu txa tshanganisa sotshe si txi maha wunene ka vale va txi dhundako, avale txona txi nga va dhana ngu kuranda ka txona.

Matewu 14:31

Jesu kunukunuko a to nawuluta diwoko dakwe, e mñola, na a txi mu gela tiya: “M'thu wa kukholwa ka kudotho, nji txani u txi kana-kana?”

Isaya 41:10

u nga thave, nguko ani ni ni nawe; u nga gume mtamo, nguko ani ni Txizimu txako; na kutsanisa, kambe na kuvhuna, na kuseketela ngu dianza dangu da txinene da kululama.

Isaya 38:10

Ka masiku a kutsaka kwangu, ni naya ha txikeni ka dithitha; se ni tsivetwe malembe angu ale ma nga sala.

Isaya 27:9

Ngu mhaka yeto, txi na thaveka txionho txa Jakobe, se awuwa wu na va m'hando wotshe wa kuva ku di thavisilwe txionho txakwe; mbimo yi a no maha ti to, otshe marigwi a ha txiluveloni, kufana ni marigwi a dibumba, ma nga khundumuselwa, tiphande ni sithombe sa ditambo, kha si na mbi ema

Ekleziyaste 7:8

I txhuko magwito ka timhaka, kupinda makhatoni ka tona; ni kutimisela ngunene kupinda kutiguleta ngu mbilu.

Jobe 7:7

Alakanya taku wutomi wangu wu fana ni moya; maso angu kha ma na mbi ngadi me wona wunene.

1 Samuwele 27:1

Kambe Dhavhidha a to khene mbiluni kwakwe: Dimwani ditshiku ni na dawa ngu Sawule; kha ku nata tshuko kwangu kupinda ku ni huluka ni kuluveta ni tsula ditikoni ka Vafilista; kasiku Sawule a txi leka ku ni xota ka yotshe mihingano ya Israyeli; ngu kumaha keto ni na huluka ka dianza dakwe.

Masalmo 34:19

Vathu vo lulama va dukwa ngu sixaniso so tala, aniko Mkoma wa va hulukisa ka sotshe.

Genesisi 47:12

Josefa a to xayisa tate wakwe, ni vanawe ni totshe timwaya tawe, ngu ku vaninga sakudya so enela, ka mtengo wa mwaya ni mwaya.

Genesisi 45:28

Israyeli a to womba, a txi khene: “Basi! Mwanana wangu Josefa a ngadi a txi hanya! Ni na tsula ni txi ya mu wona ni sanzi kufa!”

2 Vakorinto 4:17

Kuxaniseka kuwa kwathu ko hehuka, i ku ka mbimwanyana ya yidotho, ku hi longisela thomba ya hombe ya wudhumo wu wu si gumiko, ayi yi pindako kotshe kualakanya ka m'thu.

Genesisi 42:37

Aniko Rubheni a to gela tate wakwe ku khene: “Daya vanana vangu vavambidi, ngako ni si ku wuyiseli kambe Bhenjamini; mningele manzani kwangu, ni na wuya nayo!”

Jeremiya 31:15

Mkoma a khene: Huwa ya pfala aniya Rama, ya xomulo ni kudila ka txiviti, i Rakeli a dilelako vanana vakwe wa lamba kuthavelelwa nguko vanana kha va nga ngadi ho.

Genesisi 44:12

Ene a to xola, a txi khata ngu ka disaka da mkomwawe, a txi ya gwitisa ngu ka disaka da mnanda wawe, ahawa digombe di nga ya maneka kona, disakani ka Bhenjamini.