Genesisi 42:28 - Bhiblia Yo Sawuleka

²⁸ A to khene ka vanawe: Va tshumetile male yangu, ndiye yi ho mu disakani kwangu ka fulaho: Sekoko timbilu tawe ti to ema, va txi kha vona mmwani ni mmwani: “Kasi nda txani tona tiya Txizimu txi hi mahelako kani?”

Genesisi 42:28 Referans Kwoze

Luka 21:26

Vathu va na tsivala ngu kuthava makhombo yawa ma no humelela ha ditikoni kotshe: Nguko mitamo ya nzumani yi na dekadekiswa.

Amosi 3:6

Ina ku nga pekwa mpundu didhoropani vathu va si dhudhumeli ngu kuthava kani? Ina ku nga humelela wubihi didhoropani, na wu sa mahwa ngu Mkoma kani?

Sidilo 3:37

I mani wule a nga wombako ti txi maheka kani? Ngako i si nga Mkoma a wombako kani?

Sidilo 2:17

Mkoma Txizimu a hetisile makungo akwe, a mahile ngu ha a nga womba ngu kona; a kha hindula makungo akwe a kale. A hasute, asi divaleli, a tsakisile valala ngu kuwa kwako a txi va engetela mtamo.

Isaya 45:7

Ani na maha kuwonekela ni va nga txidema; ani na vanga kudikha, ni va nga dikhombo; ani Mkoma, na maha totshe tiya.

Ndando ya Tindando 5:6

Ni to tulela txirandwa txangu, kambe a ti ti khukhile e tsula. Mhefemulo wangu wu to guma mtamo, mbimo yi ene a nga womba-womba ni nani; ni to mlava, kambe kha na mmana; ni m'dhani, kambe kha orovela.

Masalmo 61:2

Ni di magwito ka mafu, na peka huwa kwako, ngu mbilu yangu yo rereka. Ni veke txitimwi ka dirigwi do lapha ngutu ku ni pinda.

1 Vafumeli 10:5

ni sakudya sa ha mezani kwakwe, ni mazumbelo a sithumi sakwe, mathumelo a vathu vakwe, ni syambalo sawe, ni vatheleli va magombe akwe, ni mu a nga ti kwela ngu kona kuya Nyumbani ka Mkoma, a to pwata ni to womba.

Dhewuteronome 28:65

Hagari ka onawo matiko, khu na mbiswa u txi mana kuthutha, ni mkondo wako kha wu na mbi mana wukhalo wo humula ka wona. Koneyo, Mkoma a na kuninga mbilu yo dhudhumela, a na kuninga maso o zengela, ni kuhefemula ka madidikhana.

Levhi 26:36

Avale va no huluka hagari kwanu, ni na va tisela dizowa mu timbiluni kwawe; ka mbimo yile mi no va mi di matikoni ka valala vanu, mi na dhuka, ngu kuwa ka dizokoro do oma, mi na thava ku nga mo thava masoni ka ditxhari, mi na wa, mi si tutumiswi ngu m'thu.

Genesisi 43:23

Ene a to khene: “Kuthutha ku nave ni nanu, mi nga thaveni; Txizimu txanu, i ku Txizimu txa tate wanu, ngu txona txi nga mi vekela thomba masakani kwanu; male yanu yi hokile kwangu.” Se a to humisa Simiyoni a txi mtisa kwawe.

Genesisi 42:36

Sekoko tate wawe Jakobe, a va gete, a txi khene: “Anu mi zama kuheta vanana vangu: Josefa khaswi a diho kambe, Simiyoni kha nga ho hawa, se mi lava ku ni tekela ni ene Bhenjamini! Totshe tiya ti txitimwi kwangu.”

Genesisi 27:33

Sekoko Isaake a to dhudhumela ngu kuhenya ka hombe ngutu, a txi khene: “I mani koko wule a nga xota nyama a txi ta ni ninga kani? Ani ni dyite sotshe na u sanzi kubwaka, se ni mkatekisile, kambe a na va a di katekile.”

Genesisi 42:29

Se va to wuya m'tini ka tate wawe Jakobe ditikoni ka Kanana; va to mxawutela totshe ti ti nga va humelela, va txi kha vona: