Genesisi 42:24 - Bhiblia Yo Sawuleka

²⁴ Se a to khukha hafuhi kwawe a txi dila. Ngu msana a to wuya kwawe, e ta womba-womba navo, a to ñola Simiyoni, e msunga hagari kwawe.

Genesisi 42:24 Referans Kwoze

Genesisi 43:30

Josefa a to kuluveta a txi huma nguko a ti hefemuteka, ngu mhaka ya mnanda wakwe, ni mirongo yi to khata kuhuma, se a to wulela txibhiyani kwakwe a txi ya dilela kona.

Vahebheru 4:15

Nguko, Mphaxeli wathu wa Hombe, hi ku nayo, hi nga ene wo sindwa ku hi pfela wusiwana ka sionho sathu, nguko nene a dukilwe ka totshe tinzila, kufana ni nathu, kambe kha maha txionho.

1 Vakorinto 12:26

Ngako txihango txokari txi txi xaniseka, simwani sa abana kuxanisekako natxo; ngako txihango txokari txi txi dhumiswa, sotshe sihango sa tsaka kumweko natxo.

Varoma 12:15

Tsakani ni va va tsakako, mi txi dila ni va va dilako

Luka 19:41

Ngako a di hafuhi, a to wona didhoropa e di dilela.

Isaya 63:9

Ka kotshe kuxaniseka kwawe, ngene a nga xaniswa, se Ngelozi yile yi ku masoni kwakwe yi to va huanyisa; ngu lirando lakwe ni wumbilu wakwe, a to va tirula, se e va teka ni ku va tsimbitisa ka otshe masiku a kaleko.

Genesisi 43:23

Ene a to khene: “Kuthutha ku nave ni nanu, mi nga thaveni; Txizimu txanu, i ku Txizimu txa tate wanu, ngu txona txi nga mi vekela thomba masakani kwanu; male yanu yi hokile kwangu.” Se a to humisa Simiyoni a txi mtisa kwawe.

Genesisi 43:14

Se Txizimu txa Mtamo-wotshe, txi na mi katekise masoni ka ene mamoyo, kasiku e mi leka mi wuya ni mmwani mnanda wanu, kumweko ni Bhenjamini. I di ani, ngako ti txi laveka ti to ni mwalalelwa ngu vanana, ni na mwalalelwe ngu vona!”

Genesisi 34:25

Ka ditshiku da wuraru, ngako avale vavamna va txi ngadi va txi pfa kupanda, vafana va vambidi va Jakobe, Simiyoni ni Levhi, tindiya ta Dhina, mmweyo ni mmweyo wawe a to teka ditxhari, va txi ya wulela didhoropani va si wonwi ngu m'thu, va txi ya dayetela votshe vavamna.

Genesisi 42:23

Kambe va ti si ti zivi ti to Josefa wa va engisa, nguko a ti womba-womba navo ngu mtxhamuseli.

Genesisi 45:1

Sekoko, Josefa kha sikota kutiñola masoni ka vathu votshe, vale va nga ti mrandete, a to kwangul, a txi khene: “Humani motshe mi ku hawa!” Kutisa sala ni wammweyo wa walo, mbimo yi Josefa a nga ti zivanekisa ka vanawe.

Genesisi 45:2

Se ene a to guleta dipswi a txi dila ngutu ahawa ka kuza Vaegipta vavangi ve mu engisa, dipswi di pfala ni m'tini ka Faro.