Genesisi 42:21 - Bhiblia Yo Sawuleka

²¹ Sekoko va to wombawombisana ngu txawe, va txi kha vona: “Kha ditshuri, ha tsayiswa ngu mhaka ya tile hi nga ti maha ka mnanda wathu, hi woni kuxaniseka kwakwe, mbimo yi a nga ti kombela divalelo; athu koko kha ha mu engisa; ngu mhaka yeto, sixaniso siya si hi telako.”

Genesisi 42:21 Referans Kwoze

Hoseya 5:15

Ni na tsula, ni tshumela ni wuya ka wukhalo wangu, kala kuza ve tipfa mnandu, ve lava khohe yangu; ngako vona va di kupandisekani, va na ni lava ngu mabimbi-kutxa.

1 Johani 1:9

Ngako hi txi ti tshanza sionho sathu, Txizimu txi thembekile ni kululama, kasi ku hi divalela sionho sathu ni ku hi basisa ka wotshe wubihi.

Jakobe 2:13

Nguko kulamulwa kha ku na mbi va ni wumbilu, ka wule a ku si nga ni wumbilu; aniko wumbilu wa humelela kulamulani.

Mithumo 19:18

Vavangi ka vale va nga ti amukete likholo, va ti ta, va ta ti sola ni kulandula ati va nga ti maha kale.

Luka 16:28

Nguko ni ni mtxhanu wa vanathu, kasi ku eya fakaza kwawe, ti to va si tiswi ka wukhalo wuwa wa sixaniso.’

Marku 9:48

ahawa mbungu yawe yi si fiko, ni mndilo wu si timekiko.”

Matewu 7:2

Nguko mi na lamulwa nga ti mi lamulisako tona vamwani; ni mpimo wu mi pimako ngu wona vamwani, mi na pimwa ngu wona nanu.

Jeremiya 34:17

Ngu konaho, Mkoma a khene: Anu kha ma ni engisa, kha ma peka nyiwo ya kutxhatxheka mmweyo ni mmweyo ka mmwani, ni mmweyo ni mmweyo ka mwakelani wakwe. Wonani, na mi bikela kutxhatxheka, kuwomba Mkoma, ni txhatxha matxhari, ni mtungu, ni nzala; na mi ningela mi txi xaniswa ka yotshe mifumo ya mafu.

Jeremiya 2:19

Kubiha kwako ku na kutsayisisa, u pekwa ngu wubihi wako, ngukonaho, ti zive ku tibihile kuleka Mkoma, Txizimu txako. Ni kwa mbi thava ka tisa kupandiseka, kuwomba ene apune Mkoma Txizimu txa Mabutho a Tiyimbi.

Jeremiya 2:17

Ina khwa ti vangela dikhombo upune! Nga ha u nga leka Mkoma Txizimu txako, ahawa ene a nga kuthangela nzilani kani?

Mavingu 28:17

Awu a ti rwekako mnandu ngu kudaya m'thu, a na ya gwitela nawo diphalani, kha nga ho a no muemisa.

Mavingu 21:13

Awule a tsivako nzeve yakwe ka huwa ya txisiwana, nene a na dila kambe kha na mbi engiswa.

1 Vafumeli 17:18

Se ene a to khene ka Elija: Njitxani ni ku natxo ni nawe, awe m'thu wa Txizimu kani? U tile kasi ku ta ni wusela wusiwana wangu, u daya mwanana wangu kani?

2 Samuwele 12:13

Sekoko Dhavhidha a to khene ka Nathani: Ni onhile ka Mkoma. Se a to khene Nathani ka Dhavhidha: Mkoma nene a thavisile txionho txako; khu na mbi fa.

Valamuli 1:7

Sekoko, Adhoni-Bhezeki a to khene: Mtxhanu wa magumi ni mambidi a vafumeli, va nga ti wiletwe titiho ta vanyagotwe, ta manzani ni ta mikondoni, va ti ti rolela maruru hahatshi ka meza yangu; ngu kumaha keto, Txizimu txi ni tshumetete madingano ni ti ni nga va mahela. Se va to tsula nayo Jerusalema, eyo a nga ya fela kona.

Mitengo 32:23

se ngako mi si mahisi eto, mi na va mi di onhile masoni ka Mkoma; sionho sanu si na mi tumbulisa, kambe mi na tsayiswa ngu mhaka ya sionho sanu.

Genesisi 41:9

Sekoko awule wa mthangeli wa vatheleli a to womba ka Faro, a txi khene: “Nyamsi ni fanete kutitshanza mnandu wangu.”

Jeremiya 4:18

Mahanyelo ako ni mithumo yako si ku wusete silo siya, ngu wona m'hando wa kubiha kwako. Kha ditshuri wa bava, ka panda ni mbiluni.”

Genesisi 45:3

Se Josefa a ti khene ka vanawe: “Ani ngani Josefa. Tate wangu a ngadi a txi hanya kani?” Aniko vanawe kha va sikota ni kuxamula, nguko va ti dhukile ngutu masoni kwakwe.

Genesisi 50:15

Sekoko ngako vanawe va Josefa va di woni to tate wawe a fite, va to wombawombisana va txi kha vona: Mwendo Josefa a na hi vengela a txi hi tshumetela, wotshe wubihi wu hi nga mmahela.

Genesisi 44:16

Sekoko Judha a to xamula, a txi khene: “Hi na womba txani kwako mthangeli, hi nga wombisa kutxani, hi ti basisisa kutxani kani? Txizimu ngu txona txi nga wonekisa kubiha kwathu, athu sithumi sako. Athu hi tikhumbi tako tata, athu hotshethu kumweko ni wule digombe dako di nga ya manekela manzani kwakwe.”