Genesisi 42:19 - Bhiblia Yo Sawuleka

¹⁹ Ngako mi di vavamna vavanene, mmweyo wanu a na sale a di khotetwe mkorani amu mi nga ti kona; se anu tsulani mi heleketa fulaho ya kuya malata nzala mitini kwanu.

Genesisi 42:19 Referans Kwoze

Jeremiya 37:15

Vanana va mfumeli va to henya ngutu ngu Jeremiya, va txi mpeka, va txi mkhotela nyumbani ka Jonatani mabhalani, nguko va nga ti yi mahile mkora.

Isaya 42:22

Kambe avava mbathu vo pelwa ni kuhandwa; votshe va rinzilwe maphalani, ni kusiswa tinyumbani ka mikora; va ñotwe, kuwalo wo va txhatxhisa; va handwa, kha ku nga ni wo khene: Tshumeta!

Isaya 42:7

kasi kutula maso a mabhofu, kasi kuhumisa vo sungwa kusungwani, ni mkorani avale va ku txidemani.

Genesisi 45:23

Ka tate wakwe, Josefa a rumete digumi da timbongola ta vamatune ti di rwate simaha sa lisima sa Egipta, ni digumi da timbongola ta mikati ti di rwate fulaho, ni sakudya, ni mbuva ya nzila.

Genesisi 42:26

Se va to rweka fulaho yawe aha ka timbongola tawe, ve tsula.

Genesisi 41:56

Na ku di ni nzala koko ka dotshe ditiko, Josefa a to tula sizenda sotshe sa fulaho, a txi xavisela Vaegipta; nguko nzala yi ti ti simama ditikoni ka Egipta.

Genesisi 40:3

A to rumela ti to veya khotelwa amu nyumbani ka vawoneleti, mkorani mule Josefa a nga ti khotetwe kona.

Genesisi 42:11

Athu hotshethu hi vanana va wamwamna mmweyo; hi vavamna vavanene; athu sithumi sako kha hi nga sinyengwani!”

Genesisi 42:18

Kambe ka ditshiku da wuraru, Josefa a va gete ku khene: “Mahani tiya, mi na hanya, nguko ani ni thava Mkoma Txizimu.

Genesisi 42:20

Mi na ya wuya ni mnanda wanu wa tshole, kasiku mapswi anu me maneka i di o tsana, ananu mi si fi.” Vona va to mahisa toneto.

Genesisi 42:33

Se wamwamna wule i ku mthangeli wa ditiko da Egipta, a to khene: “Kasiku ni tiziva ti to mi vathu vavanene siyani ni nani mmweyo wa vananu, mi txi teka sakudya so dingana kuya hanya nzala timwayani kwanu, mi txi tsula;