Genesisi 42:18 - Bhiblia Yo Sawuleka

¹⁸ Kambe ka ditshiku da wuraru, Josefa a va gete ku khene: “Mahani tiya, mi na hanya, nguko ani ni thava Mkoma Txizimu.

Genesisi 42:18 Referans Kwoze

Levhi 25:43

U nga va mahele tshofu, aniko xonipha Txizimu txako.

Nehemiya 5:15

Aniko vafumeli vo khata, avale va nga fuma masoni kwangu, va ti ti nemelisela vathu, va txi va tekela sakudya ni vhinya, hahanze ka mune wa magumi a maxekele a silivhela; hambi vafana vawe va ti ti xanisa vathu; aniko ani kha na maha eto, ngu mhaka yo thava Txizimu.

Luka 18:2

“Didhoropani kokari, a ti ti ho mlamuli, awu a nga ti si nga ni txithavo ka Txizimu, kambe a ti si nga ni mhaka ni m'thu.

Genesisi 20:11

Abrahamu a xamute a txi khene: “Ani ni to pimisa nokha, ni txi khani: Ka wukhalo wuwa ku nava ku si nga ho ni wammweyo a thavako Txizimu, se va na ni daya ngu mhaka ya msikati wangu.

Luka 18:4

Ngu mbimo yayingi, ene a lambile ku mu engisa. Msana keto, a to pimisa ene apune, a txi khene: ‘Hambiko ni si thaviko Txizimu, kambe ni si xoniphiko vathu,

Nehemiya 5:9

Ni engeta ni txi khani: Hi nga ta tinene ti mi ti mahako! Ina kha mi faneli kuthava Txizimu txathu, ngu mhaka ya tingana ta vamatiko, i ku valala vathu, kani?

Genesisi 39:9

Kha nga ho mmwani i ku wa hombe ha m'tini kwakwe, hahanze kwangu: Kha txi nga ho txi a ni tsimbako ku txi gwesa, hahanze kwako awe dwe, nguko u msikati wakwe. Ni nga sikotisa kutxani kumaha to biha ta hombe to ngeto ni kuonhela Txizimu kani?”

Genesisi 42:19

Ngako mi di vavamna vavanene, mmweyo wanu a na sale a di khotetwe mkorani amu mi nga ti kona; se anu tsulani mi heleketa fulaho ya kuya malata nzala mitini kwanu.

Eksodha 18:21

Aniko sawula hagari ka vathu, majaha ale ma ku ni mapimo, va thavako Txizimu, vo lulama, va nyenyanako ni dibhindu do mbi lulama, u txi va emisela kuva vathangeli va 1.000 wa vathu, vathangeli va dizana, vathangeli va mtxhanu wa magumi, ni vathangeli va digumi.

Jobe 1:1

Ku ti ti ni wamwamna wokari ditikoni ka Uzi, ditina dakwe i ti ti Jobe; ene i ti wamwamna wa ditshuri, wo lulama, ni txithavo ka Txizimu; ni kuvayilela wubihi.

Eksodha 1:17

Aniko vahefemulisi ngu kuthava Txizimu, kha va maha nga ti mfumeli wa Egipta a nga ti va rumile tona, va to leka vanana va vafana ve hanya.

Levhi 25:17

Ngu toneto, kha mi na mbi dyelelana mmwani ni mmwani, mi na xonipha kunavela ka Txizimu; nguko ani ngani Mkoma, Txizimu txanu!