Genesisi 42:15 - Bhiblia Yo Sawuleka

¹⁵ Zivani ti to mi na xolisiswa; na xambanya ngu wutomi wa Faro, ti to kha mi na mbi huma hawa, ngako asi ti mnanda wanu wa tshole.

Genesisi 42:15 Referans Kwoze

1 Samuwele 17:55

Se mbimo yile Sawule a nga wona Dhavhidha a txi tsula kuya tshangana ni Mufilista, a to khene ka Abhineri, mthangeli wa dibutho da yimbi: Abhineri, mwanana wa mani mfana wuwa kani? Se Abhineri a to khene: Wu na hanye muhefemulo wako, awe mfumeli, kha ni m'zivi.

Jakobe 5:12

Ngutu-ngutu, vanathu, mi nga xambanyeni hambi ngu nzuma, hambi ngu mafu, hambi ngu txilo txihi ni txihi, kambe kuwombawombani kwanu, “Ina” a nave i di “Ina,” se “Ahim-him” a nave i di “Ahim-him,” kasiku mi si weli kuabaniswani.

Jeremiya 5:7

“Ni nga ku divalelisa kutxani kani? Vanana vako va ni lekile, va xambanya ngu va i singako sizimu! Hambi ni di va khurisile ngu kudingana, vona va mahile wugango, va to sengeletana nyumbani ka wugango na i di vangi ngutu.

Jeremiya 5:2

Hambiko va ku kha vona: Mkoma a hanyako; vona va xambanya ngu makuhu

1 Samuwele 20:3

Sekoko Dhavhidha a to xambanya kambe, a txi khene: Tate wako wa tiziva kha kwati to ni mani dikato masoni kwako; ngu kumaha keto, a to khene: A nga yi zive Jonatani mhaka yi ya nguko yi nga mpanda; se kha ditshuri, ni xambanya ngu Mkoma wu a hanyako, ni muhefemulo wako wu hanyako, ku to sala dizambo dimwedo dwe ku ni hoka kufani.

1 Samuwele 1:26

Se Ana a to khene: Ah! Awe nyamne wangu! Di na hanye dihika dako, nyamne wangu; ngani wamsikati wule a nga ta ema masoni kwako, ku ta kombela ka Mkoma.

Dhewuteronome 6:13

U na thava Mkoma, Txizimu txako, u txi mkhozela, ni kuxambanya ngu ditina dakwe.

Genesisi 43:3

Aniko Judha a mxamute, a txi khene: “M'thu wule a hi gete ngu kutsanisa, a txi khene: Kha mi na mbi ta wona khohe yangu, ngako mi si nga ni mnanda wanu.”

Genesisi 42:34

aniko ni wuyiseleni mnanda wanu; se ni nata tiziva ati to kha mi nga sinyengwani, aniko mi vavamna vavanene; sekoko ni nata mi tshumetela mwananu, mi na tsimbila-tsimbila mi di txhatxhekile ditikoni muwa.”

Genesisi 42:30

M'thu wule a fumako ditiko dile, a hi wombawombete ngu wurena, a txi pimisa ti to hi sinyengwani ka ditiko dile.

Genesisi 42:20

Mi na ya wuya ni mnanda wanu wa tshole, kasiku mapswi anu me maneka i di o tsana, ananu mi si fi.” Vona va to mahisa toneto.

Genesisi 42:16

Rumani mmweyo wanu eya wuyisa mnanda wanu; anu motshenu mi ñotwe, kala kuza hi wonisisa ti to ati mi wombako nda ditshuri mwendo hi nga ta ditshuri. Hahanze keto, ni xambanya ngu wutomi wa Faro, ti to anu mi sinyengwani.”

Genesisi 42:12

Kambe ene a va gete, a txi khene: “Ahim-him; mi tela ku ta xola, mi wona makhalo o mbi tsana a ditiko!”

Genesisi 42:7

Kambe Josefa a di woni vanawe, a to va ziva, aniko a to ti mahisa a txi nga mthuyo, e womba-womba navo ngu wurena. A to va wotisa, a txi khene: “Mi ta ngu hani kani?” Se vona va mxamute va txi kha vona: “Hi ta ngu ditikoni ka Kanana, ho ta xava sakudya.”

Genesisi 42:14

Sekoko Josefa a to khene kwawe: “Ani ni womba ditshuri: Anu mi sinyengwani.

Genesisi 43:5

aniko, ngako u si mtumeleli, kha hi na mbi relela, nguko awule wa wamwamna a hi gete ku khene: “Kha mi na mbi ta yi wona khohe yangu, ngako mi si nga ni mnanda wanu.”