Genesisi 42:1 - Bhiblia Yo Sawuleka

¹ Sekoko Jakobe a di engisile ti to ditikoni ka Egipta yi ho fulaho ya kuxaviswa, a to khene ka vanana vakwe: “Ngu kutxani mi gwitelako kuzumba mi txi wonetelana, kani?”

Genesisi 42:1 Referans Kwoze

Mithumo 7:12

Kambe, ku ti ngako Jakobe a di engisile ti to fulaho yiho Egipta, a to rumela kona vatate vathu do khata.

Joxuwa 7:10

“Sekoko Mkoma a to khene ka Joxuwa: Khukha! Ngu kutxani u txi namisa khohe yako kani?”

Vagalatiya 2:7

Aniko vona va to ti wona ti to ani ni ningilwe kutxhumayela Evhangeli ka va vo mbi yiswa wukwerani, kufana ni Pedro nene a nga ningwa mthumo wo txhumayela Evhangeli ka va va fumwako ngu mlayo wa wukwera.

Hoseya 5:13

Ngako Efrayime a di woni malwati akwe ni Judha txilonda txakwe, Efrayime a to kweletela eya Asiriya, se e rumela mtumi ka mfumeli Jerebhi; Kambe ene kha na mbi sikota ku mi kalamukisa ni kuholisa silonda sanu.

Jeremiya 8:14

Ngu kutxani hi ku ngadi hi txi zumba hawa kani? Ahi tshanganeni, hi txi wulela ka madhoropa o tsana, se eho hi txi malala; nguko konakuwa, Mkoma Txizimu txathu, a hi malatile, e hi seta mati a nyongwa; nguko hi onhete Mkoma.

Ezra 10:4

Khukha koko, nguko ya kulumba mhaka yiya, se athu hi nava ni nawe; ti karate u maha toneto.

1 Vafumeli 19:3

Mbimo yile a nga muwona a to khukha e tutuma, kasi kuhulukisa wutomi wakwe, eta Bherisebha ka Judha, e ta siya kona mfana wakwe.

Eksodha 20:18

Vathu votshe va to engisa kudhuma ka singwalangwanda, kukeluka, kutuma ka mpundu ni kutuvika ka mmango, vathu va to telwa ngu dizowa, va txi manekela kule.

Eksodha 5:19

Sekoko vathangeli va vanana va ka Israyeli, va ti woni va di kuxuphekani ka hombe ngutu, nga ti va nga gelwa tona: “Mtengo wa sitini si mi bhakako ka ditshiku ni ditshiku kha wu na mbi hungulwa.”

Genesisi 42:2

Se e engeta a txi khene: “Ani ni ti engisile ati to ditikoni ka Egipta, yi ho fulaho yi xaviswako. Relelani mi ya hi xavela, kasiku hi nata dya hi txi hanya, hi si fi ngu nzala.”

Genesisi 41:57

Se otshe matiko ma txi ta Egipta, kasi ku ta xava sakudya ka Josefa, mbimo yile nzala yi nga ti ti simama ka otshe matiko.

Genesisi 41:54

se me khata malembe a mtxhanu ni mambidi a nzala nga ti Josefa a nga ti wombisile tona; ka otshe matiko ku manekile nzala, aniko ka dotshe ditiko da Egipta ku ti ti ni sakudya.