Genesisi 41:8 - Bhiblia Yo Sawuleka

⁸ Se ku to maheka taku, ni mixo, mbilu ya Faro yi maneka yi di ha kukaratekani ka hombe, se e dhana votshe vanyamsoro ni vanyatixolo va ditiko da Egipta, e va xawutela miloro yi a nga va nayo, aniko ni wammweyo kha sikota ku yi txhamusela.

Genesisi 41:8 Referans Kwoze

Dhaniyeli 4:7

Sekoko ku to wulela titxhari, ni tiñanga, ni Vakaldheya, ni vahuti, se ani to xawutela mloro masoni kwakwe; aniko kha va sikota ku nininga txhamuselo ya kona.

Eksodha 7:22

Kambe titxhari ta Egipta, ni tona, ngu wutxhari wa tona ti to maha nga toneto; mbilu ya Faro yi to banga txima kha va engisa, nga ti Mkoma a nga ti wombile.

Matewu 2:1

Ngako Jesu a di velekilwe Bhetlehema ka Judheya, ka mbimo ya mfumeli Herodha, konaho titxhari ta wutxani ti to bwaka Jerusalema,

Dhaniyeli 4:5

Se ni to lora mloro wu wu nga ni dhukisa; se maalakanyo angu ni siwoniso si to ni xanisa ni di m'bhedhuni.

Dhaniyeli 1:20

Ka timhaka totshe ta wutxhari ni mapimo ka tile mfumeli a nga va wotisa, a to mana ti taku va pinda ngu ka digumi, totshe tiñanga ni titxhari tile ti nga titiho ka mfumo wakwe wotshe.

Isaya 29:14

Wona taku, ni na simama ni maha mthumo wo xamalisa hagari ka vathu vava; i ku mthumo wo xamalisa, kambe wo thisa, nguko wutxhari wa titxhari tawe, wu na fuva, ni mapimo a vathu vawe vo ziva, wu na sisala.

Eksodha 7:11

Konako Faro a to ramba titxhari ni vanyamsorwo. Se tona titxhari ta ditikoni ka Egipta ti to maha toneto ngu wutxhari wa tona.

Dhaniyeli 4:19

Sekoko Dhaniyeli awule ditina dakwe i ku Bheltexezari, a to xamala, a txi dwee, ngu ora yimweyo, a txi karateka mapimoni kwakwe. Se mfumeli Nebhukodhonosori a to womba, a txi khene: “Bheltexezari, u nga karateke ngu mhaka ya mloro, hambi txhamuselo ya wona.” Bheltexezari a to xamula a txi khene: Nyamne wangu, mloro wuwa wu na wukele vale va ku nyenyako, ni txhamuselo ya wona, ka valala vako.

Isaya 8:19

Va txi mi gela va txi kha vona: Wotisani ava va ku ni mimoya ya vafi, ni vahuti vale va lengako, ni kungungurukela, mi txi khanu: Vathu kha va faneli ku wotisa Txizimu txawe kani? Ku nga wotiswa ka vafi timhaka ta va va hanyako kani?

Levhi 19:31

Mi nga yeni ka vanyamsoro, hambi ka vanyatixolo, mi nga thuke mi txi ya ka vona, nguko mi nga ti nyenyezisa: Ani ngani Mkoma, Txizimu txanu.

Eksodha 8:7

Sekoko titxhari ta ditiko da Egipta, ngu wutxhari wa tona, ti to humisa makhele ma txi hangalaka txitimwi ka dotshe ditiko da Egipta.

Genesisi 40:8

Se vona va mxamute va txi kha vona: “Hi to lora miloro, aniko kha nga ho awu a sikotako ku hi txhamusela.” Josefa a to va wotisa a txi khene: “Ina kutxhamusela kha ku lumbi Txizimu kani? Ni xawuteleni ti mi nga lora!”

Genesisi 40:6

Ni mixo ya kona, Josefa a to tshuketa hafuhi kwawe, a to va wona va si tsaki tikhoheni kwawe.

1 Vakorinto 1:19

nguko ti bhatwe, va txi kha vona: “Ni na vhinganyisa wutxhari wa titxhari, ni txi xowokisa wuzivi wa sizivi.”

Mithumo 17:18

Hambi vazivi vokari va gondo ya Epikuru ni ya Txitoyiki va ti kanetisana nayo. Se vamwani va txi kha vona: “A lava ku hi gela to txani nyamuwombe wuwa kani?” Vamwani va txi kha vona: “Awuwa ngu nga m'gondisi wa sizimu so mbi ziwa!” Nguko a ti ti txhumayela ngu Jesu ni kuwuka ka vafi.

Mithumo 7:22

Mosi a gondisilwe wotshe wuzivi wa Vaegipta. Se i ti m'thu wa mtamo amu ka mapswi ni mu ka mithumo.”

Habhakuki 3:16

Ni di ti engisile ani, mndani kwangu kudhuka, ngu dipswi dakwe txisofu txangu txi dhudhumete; kuwulete kusina marambuni kwangu, se ni dhudhumela mndani kwangu; na humula ani ka ditshiku do pandiseka, ngako ni txi nata lwa ni vathu vale va nota hi hoxota.

Dhaniyeli 8:27

Se ani Dhaniyeli, ni to guma mtamo, ni lwala masiku okari; sekoko ni to wuka ni maha mithumo ya mfumeli; kambe ni xamalisilwe ngu mhaka ya txiwoniso, aniko ku si nga ni m'thu wu a txi pfisisako.

Dhaniyeli 7:28

Txiwoniso txi gwitete hawa, se ngu kwangu ani Dhaniyeli, mapimo angu ma to ni xamalisa ngutu, ni khohe yangu yi to txitxa; aniko ni to veka timhaka keto mbiluni kwangu.

Dhaniyeli 5:11

Mfumoni kwako ku ni wamwamna wokari, a ku ni moya wa sizimu so sawuleka; eyo ka masiku a tate wako ku manekile kwakwe liwoningo, mapimo, ni wutxhari wo fana ni wutxhari wa sizimu. Se mfumeli Nebhukodhonosori, tate wako, ina, tate wako, awe mfumeli, a to m'veka kuva mthangeli wa titxhari, tiñanga, Vakaldheya ni vahuti.

Isaya 19:3

Se moya wa Vaegipta wu na guma mtamo mndani kwawe; ani ni na hangalasa txikungo txawe, kambe vona va na ya wotisa ka sithombe sawe, ni ka vanyamsoro, ni ka vahuti, ni ka vanyatixolo.

Masalmo 25:14

Mkoma a dhunda vale va mthavako ene wa va ninga kuziva Txitumelelano txakwe.

Levhi 20:6

Ngako m'thu wokari a txi tutumela ka vanyamsoro ni ka vanyatixolo, e ti ningetetela ka vona, asi khatali ngu wukhongeli, ni na mronolela ngu maso angu, ni mfuvisa hagari ka va ka kwawe.

Eksodha 9:11

titxhari kha ta tsana kuema masoni ka Mosi, ngu mhaka ya sijavi, nguko ni tona ti ti tshapetwe ngu sona, kufana ni votshe Vaegipta.

Genesisi 41:7

Kambe mihumbo yile yo wuna yi to mita yile ya mtxhanu ni yimbidi ya kunona. Sekoko Faro a to wuka, a txi wona ti to i ti ti mloro.

Genesisi 41:15

Se Faro a wombile ka Josefa, a txi khene: Ani nive ni mloro, aniko kha ka nga maneka m'thu ni wammweyo wo sikota ku wu txhamusela.

1 Samuwele 6:2

Vafilista va to dhana vaphaxeli ni tiñanga, va txi kha vona: Hi na maha txani athu ngu dibhokiso da Mkoma kani? Hi geleni ti hi no di tshumetisa tona di txiya ka wukhalo wa dona.

Dhaniyeli 4:6

Ani ni to veka m'thetho waku kudhanwa totshe titxhari ta Bhabhilona, kasiku ti ta ni txhamusela mloro wangu.

Dhaniyeli 4:18

Eto ni ti woni ngu mloro ani mfumeli Nebhukodhonosori; awe koko, Bheltexazari, ni gele txhamuselo ya kona, nguko totshe titxhari ta ditikoni kwangu ti tandekile ku ni txhamusela, aniko awe wa sikota, nguko moya wa sizimu so sawuleka wuho kwako.

Genesisi 41:24

Se mihumbo yile ya miburu, yi to khadamula yile ya mtxhanu ni yimbidi yo pfuna. Ani ni xawutete ka vale vo txhariha, aniko kha ka maneka ni wammweyo wo ni txhamuselo.