Genesisi 41:6 - Bhiblia Yo Sawuleka

⁶ Aniko msana keto, a to wona yimwani mihumbo ya kuwuniswa ni kuhiswa ngu moya wa wutxani, yi txi mila ngu msana ka yile yo khata.

Genesisi 41:6 Referans Kwoze

Hoseya 13:15

Hambi ngako ene a txo ninga mihando ka vanawe, ku nata moya wa wutxani, Moya wa Mkoma, wu txi kwela ngu txiwulani, se ku na oma ni txibhuka txakwe, kambe ku na oma ni txisima txakwe, ene a handa thomba ka sotshe siya sawe sa lisima.

Ezekhiyele 19:12

Aniko wu to dulwa ngu txiviti, wu txi wiswa hahatshi, moya wa wutxani wu to omisa mihando ya kona; tindonga ta kona to banga ti to funyeka ti oma, ti txi tshokomiswa ngu mndilo.

Ezekhiyele 17:10

Ina wu txi phaywa wu na humelela kani? Ina wu txi pekwa ngu moya wa wutxani kha wu na mbi oma kani? Wu na oma kukhukhela mabambe ka mule wu nga phaywa kona.

Genesisi 41:5

Faro a to engeta a txi otela, se e lora mloro wa wumbidi: A woni mtxhanu wa mihumbo ni yimbidi ya mafaka kuhuma ngu ka ditshanga dimwedo, yi di ni tipfhaka totshura.

Genesisi 41:7

Kambe mihumbo yile yo wuna yi to mita yile ya mtxhanu ni yimbidi ya kunona. Sekoko Faro a to wuka, a txi wona ti to i ti ti mloro.

Genesisi 41:23

Se msana ka yile, ku to huma yimwani mihumbo ya mtxhanu ni yimbidi, ya miburu ya kuoma, ni kuhiswa ngu moya wa wutxani.

Hoseya 12:1

Efrayime a ti dyisa ngu moya, kambe a londeta moya wa wutxani: Ditshiku dotshe a andisa makuhu ni kuhoxota, a maha txitumelelano ni Asiriya, se mtona wa kona wu yiswa Egipta.

Jona 4:8

Se ku to maheka taku, kuhumani ka ditambo, Txizimu txi rumela moya wo hisa wa wutxani, se ditambo di peka msungo wa Jona, se a to tsivala; e navela ngu wotshe moya wakwe kufa, a txi khene: “I txhuko kwangu kufa kupinda kuhanya.”