Genesisi 41:57 - Bhiblia Yo Sawuleka

⁵⁷ Se otshe matiko ma txi ta Egipta, kasi ku ta xava sakudya ka Josefa, mbimo yile nzala yi nga ti ti simama ka otshe matiko.

Genesisi 41:57 Referans Kwoze

Genesisi 42:5

Ngu mhaka yeto vanana va ka Israyeli va to longoloka ni vamwani veya tshunza Egipta; nguko ku ti ti ni nzala ditikoni ka Kanana.

Genesisi 41:56

Na ku di ni nzala koko ka dotshe ditiko, Josefa a to tula sizenda sotshe sa fulaho, a txi xavisela Vaegipta; nguko nzala yi ti ti simama ditikoni ka Egipta.

Genesisi 41:54

se me khata malembe a mtxhanu ni mambidi a nzala nga ti Josefa a nga ti wombisile tona; ka otshe matiko ku manekile nzala, aniko ka dotshe ditiko da Egipta ku ti ti ni sakudya.

Dhewuteronome 9:28

Kasi ku vathu va ditiko dile u nga hi humisa ka dona, va si wombi va txi kha vona: “Mkoma a tandekile ku va hokisa ka ditiko dile a nga va thembisa”; ene, “ngu mhaka ya livengo navo, a va humisile kasi kuya va daya txiwulani.”

Genesisi 50:20

Kubiha kuwa mi nga pimisa ku ni mahela, ngu kuxuva ka Txizimu, ku hindukile ku txi maha wunene, kasiku ti txi woneka ti nyamsi ti mahekako, i ku kuhulukisa wutomi wa vathu votala.

Genesisi 42:1

Sekoko Jakobe a di engisile ti to ditikoni ka Egipta yi ho fulaho ya kuxaviswa, a to khene ka vanana vakwe: “Ngu kutxani mi gwitelako kuzumba mi txi wonetelana, kani?”

Genesisi 12:10

Ka ditiko donedo ku to humelela nzala, se Abramu a to relela a txi ya Egipta, kasi kuya zumba kona, ngako nzala i nga ti ya hombe ha mafuni.

Genesisi 43:1

Nzala yi to xanisa ngutu ditikoni.

Genesisi 42:6

Josefa koko i ti ene mthangeli wa ditiko da Egipta; ngene kambe a nga ti xavisa sakudya ka vathu votshe; se vanawe va to ta bwaka ve khizama masoni ka Josefa, va txi wonetela hahatshi.

Genesisi 47:14

Sekoko Josefa a to sengeleta male yotshe ayi yi nga ti ti ho ditikoni ka Egipta ni ditikoni ka Kanana, yi va nga ti xava ngu fulaho, se maleyo a ti ti yi veka nyumbani ka Faro.