Genesisi 41:56 - Bhiblia Yo Sawuleka

⁵⁶ Na ku di ni nzala koko ka dotshe ditiko, Josefa a to tula sizenda sotshe sa fulaho, a txi xavisela Vaegipta; nguko nzala yi ti ti simama ditikoni ka Egipta.

Genesisi 41:56 Referans Kwoze

Genesisi 42:6

Josefa koko i ti ene mthangeli wa ditiko da Egipta; ngene kambe a nga ti xavisa sakudya ka vathu votshe; se vanawe va to ta bwaka ve khizama masoni ka Josefa, va txi wonetela hahatshi.

Mithumo 17:26

Na txi txi khukhela ka m'thu mmweyo, txi vangile totshe tixaka ta vathu, kasiku ve eneta otshe mafu, txi va vekela tinyango ti ti nga sawulwa ngu txona ni mihingano ya muwa va fanelako kuzumba kona:

Luka 21:35

nga mlawu, nguko di na wela votshe va va nga aka ha mafuni kotshe.

Zakariya 5:3

Sekoko ngelozi yi to ni gela ku kha yona: Atxiya njiruko txi txi no huma txitimwi ka otshe mafu; nguko ni wihi a no pa, a na tutumiswa ditikoni, madingano ni txiruko txa didhawa dimwedo; se ni wihi wule a no xambanya makuhu a na thaviswa ha ditikoni, madingano ni txiruko txa dimwani didhawa.

Isaya 23:17

Nguko i nava magwito ka mtxhanu wa magumi ni magumi mambidi a malembe, aawa Mkoma a no endela Tiro ka ona, se dona di na tshumelela ka wugwili wa dona wa wugelegele, kambe di na va ni wukwewu ni yotshe mifumo yi yi kuho txitimwi ka mafu.

Genesisi 41:30

Ngu msana ma nata malembe a mtxhanu ni mambidi, a nzala, aha koza ku txi divalwa kotshe kupfuna ditikoni ka Egipta, se nzala yi na heta ditiko.

Genesisi 41:55

Mbimo yi ditiko dotshe da Egipta di nga maneka di txi xupheka ngu nzala, vathu va to ya dila ka Faro, va txi ya kombela sakudya; se Faro a to khene ka votshe Vaegipta: “Tsulani ka Josefa, ni tihi ti a no mi gela, mahani.”

Genesisi 41:57

Se otshe matiko ma txi ta Egipta, kasi ku ta xava sakudya ka Josefa, mbimo yile nzala yi nga ti ti simama ka otshe matiko.

Genesisi 43:1

Nzala yi to xanisa ngutu ditikoni.

Genesisi 12:10

Ka ditiko donedo ku to humelela nzala, se Abramu a to relela a txi ya Egipta, kasi kuya zumba kona, ngako nzala i nga ti ya hombe ha mafuni.

Genesisi 41:35

Va na sengeletela sakudya sotshe sa malembe awa amanene matako, va txi veketa fulaho ngu dianza da Faro, amu sizendani va na veketela silo madhoropani ve si xayisa.