Genesisi 41:46 - Bhiblia Yo Sawuleka

⁴⁶ Josefa a ti ti ni tanga ya magumi mararu a malembe, mbimo yi a nga ya maneka masoni ka Faro, mfumeli wa ditiko da Egipta. Se a to khukha Josefa masoni ka Faro, e tsimbila-tsimbila ka dotshe ditiko da Egipta.

Genesisi 41:46 Referans Kwoze

Dhaniyeli 1:19

Se mfumeli a to womba-womba navo, hagari kwawe votshe kha kwa maneka vamwani vo fana ni Dhaniyeli, Hananiya, Misayeli ni Azariya; ngu kumaha keto, va to ningwa kuthumela mfumeli.

1 Vafumeli 12:6

Se Robhowamu a to tshangana ni madhota ale ma nga thuma ni tate wakwe Solomoni, a txi ngadi e hanya, a txi khene: Mi ni ninga wudhota muni ku ni xamula ngu wona vathu vava kani?

2 Samuwele 5:4

Dhavhidha a to khata kufuma a di tanga ya magumi mararu a malembe; se a to fuma mune wa magumi a malembe.

1 Samuwele 16:21

Kambe Dhavhidha a to ta ka Sawule, e ta ema masoni ka Sawule, se ene a to mtsakela ngutu; se a to maha mrwali wa matxhari akwe.

Mitengo 4:3

vavamna votshe, ava va magumi mararu, kala mtxhanu wa magumi a malembe, avale va ku ni fanelo ya kuya mthumoni ka dibutho da yimbi, kasi va na thuma mthumo wa ditenda da msengeletano.

Genesisi 37:2

Ngu tiya tiveleko ta Jakobe: Josefa a ti ni tanga ya digumi da malembe ni mtxhanu ni mambidi, ene a txi dyisa tinvuta ta tate wakwe, kumweko ni vanawe, vanana va Bhiliha ni Zilpa, vasikati va tate wakwe; Josefa a ti ti geletela tate wakwe timhaka to biha, ati vanawe va nga txi ti mahetela.

Judha 1:24

Ka txona Txizimu txi ku ni mtamo wo mi xayisa kasi ku mi si khuvekiswi, ni ku mi heleketa txi mi hokisa mi di tsakile, na mi si nga ni txionho masoni ka wudhumo wa txona,

Luka 21:36

Khutalani na mi txi khongela txotshe txikhati, kasiku mi va ni mtamo wa kuhuluka ka totshe ti ti no humelela, ni kuema mi di tsani masoni ka Mwanana wa M'thu.”

Luka 3:23

Jesu a ti lava kuva ni magumi mararu a malembe, mbimo yi a nga khata kugondisa; se ngu kudinganisa ka vathu, i ti mwana Josefa; mwana Heli;

Mavingu 22:29

U woni m'thu wa mapimo mbimo yile a thumako kani? A na vekwa masoni ka vafumeli; kha na mbi vekwa ka vathu va hahatshi.

1 Vafumeli 12:8

Hambiketo ene a to leka milayo yile a nga gelwa ngu madhota, e pfa to gelwa ngu majaha ale a nga kula kumweko nawo, va nga ti masoni kwakwe.

Genesisi 41:47

Ditiko da Egipta di to maneka di di pfuni ngutu sakudya mndani ka mtxhanu wa malembe ni mambidi.

Genesisi 42:8

Josefa koko a va zivile vanawe, aniko vona kha va m'ziva.

Genesisi 45:6

Nguko se malembe mambidi, ku di humelete paya ha mafuni, kambe ku ngadi sate mtxhanu wa malembe a nzala, ahawa ku no mbi phaywa txilo, hambi kuelulwa txilo.

Dhaniyeli 1:4

mazambi a kwa mbi na wulima ni wawumwewo, a tikhohe totshura, o tala ngu wutxhari, o txhariha amu ko gonda, va mapimo amu ka wuzivi, a ma sikotako kumaha mithumo ya nyumbani ka mfumeli, ve gondiswa kubhala ni kuwombawomba lidimi la Vakaldheya.