Genesisi 41:43 - Bhiblia Yo Sawuleka

⁴³ A to maha ti to Josefa e kwela ka txikotxikani dakwe da wumbidi a nga ti ti nado, na ku txi huwelelwa masoni kwakwe, va txi kha vona: “Abreki” Khizamani. Ngu toneto, Josefa a to vekwa e mahwa mthangeli wa ditiko dotshe da Egipta.

Genesisi 41:43 Referans Kwoze

Genesisi 45:8

Ngu mhaka yeto, hi nganu mi nga ni rumela kheno, aniko Njizimu txi nga ni veka ni txi nga no va tate wa Faro, ni mthangeli wa nyumba yakwe yotshe, ni mfumeli wa ditiko dotshe da Egipta.

Mithumo 7:10

Txi to m'hulukisa ka otshe makhombo akwe, txi mninga kateko ni wuzivi masoni ka Faro, mfumeli wa Egipta; se ene mfumeli a mmahile mfumeli wa Egipta ni wa yotshe nyumba yakwe.

Genesisi 45:26

Sekoko va to m'gela va txi kha vona: “Josefa a ngadi a txi hanya, ngene a fumelako ditiko dotshe da Egipta!” Se mbilu ya Jakobe yi to dhuka, nguko a ti si kholwi ka tile va nga txi ti womba.

Genesisi 42:6

Josefa koko i ti ene mthangeli wa ditiko da Egipta; ngene kambe a nga ti xavisa sakudya ka vathu votshe; se vanawe va to ta bwaka ve khizama masoni ka Josefa, va txi wonetela hahatshi.

Vafilipiya 2:10

kufela ku, ha ditinani ka Jesu, otshe mazolo ya vale va ku txitimwi nzumani ni ya vale va ku ha mafuni, ni ya vale va ku hahatshi ka mafu, me mu khizamela;

Genesisi 42:33

Se wamwamna wule i ku mthangeli wa ditiko da Egipta, a to khene: “Kasiku ni tiziva ti to mi vathu vavanene siyani ni nani mmweyo wa vananu, mi txi teka sakudya so dingana kuya hanya nzala timwayani kwanu, mi txi tsula;

Genesisi 42:30

M'thu wule a fumako ditiko dile, a hi wombawombete ngu wurena, a txi pimisa ti to hi sinyengwani ka ditiko dile.

Genesisi 41:42

Se Faro a to thavisa phera ngu dianzani kwakwe, e yi veka ka dianza da Josefa, a to mu ambekisa syambalo sa linyu yo hehuka, a txi mu ambekisa liketani la nzalama thamoni kwakwe.

Genesisi 41:44

Se mfumeli Faro a to khene ka Josefa: “Ani ngani Faro, aniko hahanze ka kutumetiswa ngu ngawe, kuwalo ni wammweyo a no guleta dianza mwendo mkondo ka ditiko dotshe da Egipta.”

Genesisi 50:18

Ngu msana, vanawe va Josefa, va manekile va txi ta ngu wutumbu wawe, ve ta ti wisa minengeni kwakwe va txi kha vona: Hiho hawa, athu sithumi sako.

Esteri 10:3

Nguko Mujudha wule Mordhekayi, mbwa wumbidi msana ka mfumeli Asuwero, kambe mbwa hombe ka Vajudha, a txi tsakelwa ngu dibutho da vanawe, a txi lava ti to va ka kwawe ve mahelwa wunene, ni kuthumela ku dotshe ditiko dakwe di mana kuhumelela.

Genesisi 50:9

Kumweko navo kutsute sikotxikani ni mahantxhi, ni vagadhi va ona: I ti dibutho da hombe ngutu.

Esteri 3:2

Se sotshe sithumi sa mfumeli, sile si nga ti ha txikeni ka mfumeli, si ti nama si khizama masoni ka Hamani; nguko a ti wombisile toneto mfumeli ngu Hamani; kambe Mordhekayi asi nami hambi kukhizama.

Ekleziyaste 4:14

Nguko mmwani a huma ngu mkorani a txi ya fuma; ina, awule a nga velekwa i di txisiwana mfumoni kwakwe.

Dhaniyeli 2:48

Sekoko mfumeli a to kulisa Dhaniyeli, e mninga siningo sasingi sa hombe, e m'veka kuva mfumeli wa ditiko dotshe da Bhabhilona, ni kuva mfumeli wa hombe wa totshe titxhari ta Bhabhilona.