Genesisi 41:42 - Bhiblia Yo Sawuleka

⁴² Se Faro a to thavisa phera ngu dianzani kwakwe, e yi veka ka dianza da Josefa, a to mu ambekisa syambalo sa linyu yo hehuka, a txi mu ambekisa liketani la nzalama thamoni kwakwe.

Genesisi 41:42 Referans Kwoze

Dhaniyeli 5:29

Sekoko Bhelxazari a to leleta ti taku Dhaniyeli e ambekwa nguwo yo bhilivila, ni liketani la nzalama mkoloni kwakwe, ve zivisa ti taku ngene a no maha mfumeli wa wuraru wa mfumo.

Dhaniyeli 5:7

Mfumeli a to ruma, ngu mtamo, ti to kudhanwa tiñanga, ni Vakaldheya, ni vahuti; mfumeli a to womba ka titxhari ta Bhabhilona, a txi khene: “Awule a no gonda mibhalo yiya, e ni gela txhamuselo ya kona, a na ambekwa nguwo yo bhilivila, ni liketani la nzalama mkoloni kwakwe, se a na maha mfumeli wa wuraru amu ka mfumo wangu.”

Esteri 3:10

Sekoko mfumeli a to thavisa phera ya manzani kwakwe e ninga Hamani, mwana Hamedhata, muagagi, mlala wa Vajudha.

Dhaniyeli 5:16

Ani koko, ni pfite ti taku awe wa sikota kutxhamusela ni kuthavisa kukanakana; se konkuwa, u txi sikota kugonda mibhalo yiya ni ku ni gela txhamuselo ya yona, wu na ambekwa nguwo yo bhilivila, ni liketani la nzalama mkoloni kwako, se u na va mfumeli wa wuraru amu ka mfumo wangu.

Esteri 8:2

Se mfumeli a to thavisa phera yakwe, yile a nga ti yi tekile ka Hamani e ninga Mordhekayi. Esteri a to veka Mordhekayi kuva mthangeli wa nyumba ya Hamani.

Esteri 8:15

Sekoko Mordhekayi a to khukha masoni ka mfumeli a di ambate syambalo sa wukoma sa mkuxe ni so basa, kambe a di ni m'bhoti wa hombe wa nzalama, ni dijasi da linyu yo hehuka da txiwunguwungu, se didhoropa da Susani di to kwangula di tsaka.

Esteri 8:10

Se ma to bhalwa ngu ditina da mfumeli Asuwero, me tsaniswa ngu txitambu txa ringi ya mfumeli; mapapilo ale ma nga rumelwa ngu manza a sirumwa so tsimbila ngu mahantxhi, si nga ti ti gadha mahantxhi a txibalani ka mfumel.

Ezekhiyele 27:7

M'jiyo wako wo lukwa i ti ti wa disilika da Egipta, kasi ku wu maha ditanga; da mkuxe ni kubhilivila, sitondoloni ka Elisi i ti ti didhamba dako.

Ndando ya Tindando 1:10

Mathama ako ma tsurisetwe ngu siketiketi, ni thamo yako ngu wusekenya.

Mavingu 31:24

Wa luka simaha sa disedha do hehuka e si xavisa, ni kuninga tibhande ka vale va xavako.

Mavingu 31:22

Wa ti vekela so ateta hahatshi; a ambala sa masedha o hehuka, ni sa txiwunguwungu.

Esteri 8:8

Bhalani koko Vajudha, madingano ni ti mi ti wonako i di ta tinene masoni kwanu, ni madinano ni ditina dangu, se tsanisa ngu txitambu txa ringi ya mfumeli; nguko mibhalo yile yi bhalwako ngu ditina da mfumeli yi tsaniswa ngu txitambu txa ringi ya mfumeli, kha yi dingani kutxitxwa.

Esteri 3:12

Sekoko vamabhalani va mfumeli va to dhanwa ngu mtxima wo khata, ka ditshiku da digumi ni mararu, se ve ta bhala madingano ni totshe tile Hamani a nga ruma tona ka vathangeli va mfumeli, ni ka vathangeli va matiko a hombe, ni ka vathangeli va vathu ni vathu; se ditiko dimwani ni dimwani da hombe madingano ni mabhalelo a dona, ni ka vathu ni vathu madingano ni lidimi lawe; ti to bhalwa ngu ditina da mfumeli Asuwero, ti tsaniswa ngu phera ya mfumeli.

Luka 15:22

Aniko tate a to gela sithumi sakwe a txi khene: ‘Kuluvetani mi neha syambalo so tshura ngutu, mi m'bombisa, mu ambekeni ringi litihoni kwakwe, mu ambekeni tikathula mikondoni kwakwe.

Mavingu 1:9

Nguko sona si na va m'bhoti wa wunene ha msungo kwako, ni wusekenya thamoni kwako.

Esteri 10:3

Nguko Mujudha wule Mordhekayi, mbwa wumbidi msana ka mfumeli Asuwero, kambe mbwa hombe ka Vajudha, a txi tsakelwa ngu dibutho da vanawe, a txi lava ti to va ka kwawe ve mahelwa wunene, ni kuthumela ku dotshe ditiko dakwe di mana kuhumelela.

Genesisi 38:18

Sekoko ene a to muwotisa, a txi khene: “Njixambanyo muni ni no kuninga, kani?” Tamari a to khene: “Ni ninge ringi yako, liketani lako, ni ndonga eyo u ku nayo manzani kwako.” Ene a to mninga soneso, se a txi ya otela nayo; Tamari a to mana txirumbu.

Genesisi 41:43

A to maha ti to Josefa e kwela ka txikotxikani dakwe da wumbidi a nga ti ti nado, na ku txi huwelelwa masoni kwakwe, va txi kha vona: “Abreki” Khizamani. Ngu toneto, Josefa a to vekwa e mahwa mthangeli wa ditiko dotshe da Egipta.

1 Samuwele 18:4

Se Jonatani a to thavisa dijasi dile a nga ti nado e ninga Dhavhidha, kumweko ni syambalo sakwe, ni ditxhari dakwe, ni wulaho wakwe, ni libhande lakwe.

Masalmo 73:6

Kutiguleta kwawe ku va randete nga wusekenya mkoloni va thumisa wurena nga bombo.

Ndando ya Tindando 4:9

U ni dute mbilu, ndiyangu, awe txirandwa txangu, u ni thote mbilu ngu maso ako, ngu liketani limwelo li ku thamoni kwako.

Jeremiya 52:33

Se e mthavisa syambalo sa mkorani, se Jehoyakimi a dyite kumweko nayo sakudya, ka masiku otshe a kuhanya kwakwe.

Isaya 3:23

sibuko, ni mahembe a linyu yo hehuka, ni mafadhuko, ni masilika.