Genesisi 41:41 - Bhiblia Yo Sawuleka

⁴¹ Faro a to engeta a txi khene ka Josefa: “Wona, ani na kuveka txitimwi ka dotshe ditiko da Egipta.”

Genesisi 41:41 Referans Kwoze

Matewu 28:18

Jesu a to tshuketa hafuhi, a txi khene kwawe: “Ni ningilwe mtamo wotshe, nzumani ni ha mafuni:

Dhaniyeli 6:3

Sekoko Dhaniyeli wuwa a ti pinda vathangeli ni vafumeli, nguko kwakwe ku ti ti ni moya wa wunene; se mfumeli a to pimisa ku m'veka kuva mthangeli txitimwi ka wotshe mfumo.

Genesisi 42:6

Josefa koko i ti ene mthangeli wa ditiko da Egipta; ngene kambe a nga ti xavisa sakudya ka vathu votshe; se vanawe va to ta bwaka ve khizama masoni ka Josefa, va txi wonetela hahatshi.

Mavingu 22:29

U woni m'thu wa mapimo mbimo yile a thumako kani? A na vekwa masoni ka vafumeli; kha na mbi vekwa ka vathu va hahatshi.

Mavingu 17:2

Txithumi txo txhariha txi na kawuka mwanana wo hundeka, se txi na abana thomba ni vanawe va mwanana.

Esteri 10:3

Nguko Mujudha wule Mordhekayi, mbwa wumbidi msana ka mfumeli Asuwero, kambe mbwa hombe ka Vajudha, a txi tsakelwa ngu dibutho da vanawe, a txi lava ti to va ka kwawe ve mahelwa wunene, ni kuthumela ku dotshe ditiko dakwe di mana kuhumelela.

Genesisi 41:44

Se mfumeli Faro a to khene ka Josefa: “Ani ngani Faro, aniko hahanze ka kutumetiswa ngu ngawe, kuwalo ni wammweyo a no guleta dianza mwendo mkondo ka ditiko dotshe da Egipta.”

Genesisi 39:22

Mxayisi wa mkora a to khata kuthemba Josefa, e mninga mtamo txitimwi ka sibotxhwa sotshe, asi si nga ti mkorani mule, ni totshe ati ti nga txi fanela kuthumwa mkoranimo.

Genesisi 39:5

Kukhukhela ka txikhati txi Josefa a nga vekwa ha wukhaloni ko xayisa m'ti wa Potifari ni sotshe si si nga ti mlumba, Mkoma a to katekisa nyumba ya Muegipta, ngu mhaka ya mathomo a Josefa. Kateko ya Mkoma yi to hokela sotshe si a nga ti naso ha m'tini kwakwe, ni thembweni kwakwe.

Mithumo 7:10

Txi to m'hulukisa ka otshe makhombo akwe, txi mninga kateko ni wuzivi masoni ka Faro, mfumeli wa Egipta; se ene mfumeli a mmahile mfumeli wa Egipta ni wa yotshe nyumba yakwe.

Masalmo 105:21

a to muemisela ku e va mthangeli wa nyumba yakwe eva i di mxayisi wa totshe tithomba takwe,

Ekleziyaste 4:14

Nguko mmwani a huma ngu mkorani a txi ya fuma; ina, awule a nga velekwa i di txisiwana mfumoni kwakwe.

Genesisi 45:8

Ngu mhaka yeto, hi nganu mi nga ni rumela kheno, aniko Njizimu txi nga ni veka ni txi nga no va tate wa Faro, ni mthangeli wa nyumba yakwe yotshe, ni mfumeli wa ditiko dotshe da Egipta.

Dhaniyeli 2:48

Sekoko mfumeli a to kulisa Dhaniyeli, e mninga siningo sasingi sa hombe, e m'veka kuva mfumeli wa ditiko dotshe da Bhabhilona, ni kuva mfumeli wa hombe wa totshe titxhari ta Bhabhilona.