Genesisi 41:38 - Bhiblia Yo Sawuleka

³⁸ Se Faro a to khene ka sithumi sakwe: “Ina hi nga mmana mmwani m'thu wo nga wuwa, awu moya wa Txizimu wu ku kwakwe kani?”

Genesisi 41:38 Referans Kwoze

Jobe 32:8

Kha ditshuri ku ni moya ka m'thu, se ni kufuteta ka wa Mtamo-wotshe ku na va mahe titxhari.

Dhaniyeli 5:14

Ni khala kupfa va txi womba ngu ngawe, ti taku moya wa sizimu wuho kwako, ni ti taku liwoningo ni mapimo, ni wutxhari wa hombe ngutu si maneka kwako.

Dhaniyeli 5:11

Mfumoni kwako ku ni wamwamna wokari, a ku ni moya wa sizimu so sawuleka; eyo ka masiku a tate wako ku manekile kwakwe liwoningo, mapimo, ni wutxhari wo fana ni wutxhari wa sizimu. Se mfumeli Nebhukodhonosori, tate wako, ina, tate wako, awe mfumeli, a to m'veka kuva mthangeli wa titxhari, tiñanga, Vakaldheya ni vahuti.

Mitengo 27:18

Sekoko Mkoma a to gela Mosi a txi khene: Teka Joxuwa, mwana Nuni, m'thu wu aku ni moya, u msanzeka dianza dako.

Dhaniyeli 4:18

Eto ni ti woni ngu mloro ani mfumeli Nebhukodhonosori; awe koko, Bheltexazari, ni gele txhamuselo ya kona, nguko totshe titxhari ta ditikoni kwangu ti tandekile ku ni txhamusela, aniko awe wa sikota, nguko moya wa sizimu so sawuleka wuho kwako.

Dhaniyeli 4:6

Ani ni to veka m'thetho waku kudhanwa totshe titxhari ta Bhabhilona, kasiku ti ta ni txhamusela mloro wangu.

Dhaniyeli 6:3

Sekoko Dhaniyeli wuwa a ti pinda vathangeli ni vafumeli, nguko kwakwe ku ti ti ni moya wa wunene; se mfumeli a to pimisa ku m'veka kuva mthangeli txitimwi ka wotshe mfumo.

Genesisi 41:37

Kambe mapswi awa ma to maha amanene ka Faro ni ka sotshe sithumi sakwe.

Isaya 19:11

Ngu ditshuri, vathangeli va Zowani nziphukuphuku; txikungo txa titxhari ti i ku madhota a Faro, ti mahile timbongola, mi m'gelisa kutxani koko Faro: “Ina ni mwanana va titxhari, mwanana va vafumeli va kale kani?”

Ezra 7:25

Se awe Ezra, madingano ni wuzivi wa Txizimu txako, wu ku manzani kwako, veka vatsimbitisi ni vale va no lamula votshe vathu va ku mtxhatuko ka mnambo, ka vale va zivako milayo ya Txizimu txako, mi gondisa ni vale va si yi ziviko.

Mavingu 14:35

Mfumeli a tsakiswa ngu txithumi txo txhariha, aniko kuhenya ka mfumeli ku na wa txitimwi ka wule a tsimbilako ngu kuwekela.

Mavingu 22:29

U woni m'thu wa mapimo mbimo yile a thumako kani? A na vekwa masoni ka vafumeli; kha na mbi vekwa ka vathu va hahatshi.

Dhaniyeli 6:4

Sekoko vathangeli ni vafumeli, va to lava nzila yo wukela Dhaniyeli ngu mhaka ya mfumo; kambe kha va mana nzila hambi mnandu ni wawumwewo; nguko ene a ti thembekile, aniko kwakwe kha kwa maneka wubihi mwendo mnandu.