Genesisi 41:37 - Bhiblia Yo Sawuleka

³⁷ Kambe mapswi awa ma to maha amanene ka Faro ni ka sotshe sithumi sakwe.

Genesisi 41:37 Referans Kwoze

Mithumo 7:10

Txi to m'hulukisa ka otshe makhombo akwe, txi mninga kateko ni wuzivi masoni ka Faro, mfumeli wa Egipta; se ene mfumeli a mmahile mfumeli wa Egipta ni wa yotshe nyumba yakwe.

Mavingu 25:11

Mhaka yo wombwa ngu nzila ya yinene, yi fana ni mihando ya silivhela amu ka txiya txa nzalama.

Mavingu 10:20

Lidimi la m'thu wo lulama i silivhela yo sawulwa; mbilu ya vaonhi kha yi na mtengo wa txilo.

Masalmo 105:19

kala kuza ti maheka atiya Josefa a nga ti ti wombile, se dipswi da Mkoma di kombisile ti to Josefa a womba ditshuri.

1 Vafumeli 21:2

Akabe a to womba ka Nabhote, a txi khene: Ni ninge thembwe yako ni phaya ka yona siyalo, nguko yi hafuhi ni nyumba yangu; se ni na kuninga yimwani thembwe ya txhuko kupinda yona; ni kungako u txi ti wona, ni na kuninga mtengo wa yona ngu male.

2 Samuwele 3:36

Mbimo yi votshe vathu va nga tipfa, va to tsakiswa ngu mhaka ya kona, ni ngu totshe tile mfumeli a nga maha, ti to woneka i di ta tinene masoni ka votshe vathu.

Joxuwa 22:30

Mphaxeli Finiyasi, ni vathangeli va msengeletano, ni misungo ya magumi a mazana a ka Israyeli, ava va nga ti nayo, ngako va di engisile mapswi awa, ma nga wombwa ngu vanana va ka Rubheni, ni vanana va ka Gadhi, ni vanana va ka Manasi, ma to va tsakisa.

Genesisi 41:36

Sakudyeso si na va sa ku ta hanyisa ditiko mndani ka malembe ale a mtxhanu ni mambidi a nzala, yi yi no wela ditiko da Egipta; kasiku ditiko di si fuviswi ngu nzala.

Genesisi 41:38

Se Faro a to khene ka sithumi sakwe: “Ina hi nga mmana mmwani m'thu wo nga wuwa, awu moya wa Txizimu wu ku kwakwe kani?”

Genesisi 45:16

Mhaka ya kubwaka ka vanawe Josefa ditikoni ka Egipta, yi to hoka ka Faro, se ene Faro ni manganakana akwe otshe, va to yi tsakela mhakeyo.