Genesisi 41:30 - Bhiblia Yo Sawuleka

³⁰ Ngu msana ma nata malembe a mtxhanu ni mambidi, a nzala, aha koza ku txi divalwa kotshe kupfuna ditikoni ka Egipta, se nzala yi na heta ditiko.

Genesisi 41:30 Referans Kwoze

Genesisi 47:13

Ka mafu otshe ku ti si nga ni sakudya, nguko paya i ti ya hombe ngutu, ditikoni ka Egipta ni ditikoni ka Kanana. Vathu votala va ti ti xupheka ngu nzala.

Genesisi 41:54

se me khata malembe a mtxhanu ni mambidi a nzala nga ti Josefa a nga ti wombisile tona; ka otshe matiko ku manekile nzala, aniko ka dotshe ditiko da Egipta ku ti ti ni sakudya.

Jakobe 5:17

Elija i ti m'thu wa kuxaniseka kufana ni nathu, a khongete ngu kukhutala ti to nzuma yi si ni, se ku gumile malembe mararu ni mtxhanu wa mitxima ni wumwewo, ma si wi mati ha mafuni.

Masalmo 105:16

Txizimu txi vangile nzala txitimwi ka otshe mafu txi lovisile tithembwe totshe ta fulaho.

Luka 4:25

Aniko kha ditshuri na mi gela kambe ti taku khani: Ka masiku a mprofeti Elija, ku ti ni tinoni to tala ditikoni ka Israyeli, mbimo yi nzuma yi nga sekwa, txipimo txa malembe mararu, ni mtxhanu wa mitxima ni wumwewo, ku txi tumbuluka paya ka dotshe ditiko.

Isaya 65:16

Se awule a katekiswako ha mafuni a na katekiswa ngu Txizimu txa ditshuri; ni wule a xambanyako ha mafuni, a na xambanya ngu Txizimu txa ditshuri; Nguko sixaniso sa kale si divatwe, kambe si fenengetilwe masoni kwangu.

Mavingu 31:7

kasiku ve sela, ve divala wusiwana, kambe va si alakanyi ni kuya kuthumani.

2 Vafumeli 8:1

Se Elixa a to womba ka wule wamsikati a nga m'wusela mwanana, a txi khene: Khukha u tsula, awe ni votshe va mwaya wako, u ya luvela mu u no kumana, nguko Mkoma a dhani nzala, yi nota heta mtxhanu wa malembe ni mambidi.

1 Vafumeli 17:1

Sekoko Elija, wa Tisibha, mmweyo wa vaaki va Gileyadhi, a to khene ka Akabe: Ni xambanya ngu Mkoma a hanyako, Txizimu txa Israyeli, awu ni ku masoni kwakwe, ti to kha ku na mbiwa mati, hambi mwando, hahanze ka kuva ni kombela.

2 Samuwele 24:13

A to ta koko, Gadhi ka Dhavhidha e ta m'zivisa mhaka yiya, a txi khene: U lava ti to mtxhanu wa malembe ni mambidi a nzala me maneka ditikoni kwako; mwendo ti to u tutuma mitxima yiraru masoni ka valala vako, na vona va txi kututumisa; mwendo kambe u lava ti to ngu masiku mararu kumaneka mtungu ditikoni kwako kani? Xolisisa konkuwa, u wona ti to i xamulo muni yi ni no ninga wule a nga ni ruma.

Genesisi 41:56

Na ku di ni nzala koko ka dotshe ditiko, Josefa a to tula sizenda sotshe sa fulaho, a txi xavisela Vaegipta; nguko nzala yi ti ti simama ditikoni ka Egipta.

Genesisi 41:51

Se Josefa a to raya matiwula akwe ditina daku i Manasi, a txi khene: “Txizimu txi ni mahile ni divala sixaniso sangu ni wotshe m'ti wa tate wangu.”

Genesisi 41:27

Se mtxhanu wa tihomu ni timbidi ta vamakati, ta kuonda ni kubiha, ti nga ti ti huma msana ka tile, ti kombisa mtxhanu wa malembe ni mambidi; kufana ni mtxhanu wa mihumbo ni yimbidi ya kuoma ni kubiha, ni kuhiswa ngu moya wa wutxani; njikombiso txa mtxhanu wa malembe ni mambidi a nzala.

Genesisi 41:21

kambe ti di khadamulete tile timwani, kha ka woneka taku ti dyite txilo nguko ti to simama ti zumba i di migwatsamba, kufana ni kale. Sekoko ni to vhumuka.

Genesisi 41:31

Kha ku na mbi alakanywa kambe ati ku nga ti pfunisile tona ditikoni muwa, ngu mhaka ya nzala yi yi no vaho, nguko yi na va i di ya hombe ngutu.