Genesisi 41:25 - Bhiblia Yo Sawuleka

²⁵ Sekoko Josefa a to khene ka Faro: “Mloro wa Faro mbumwewo dwe; ati Txizimu txi no maha, ngu tile txi nga gela Faro.”

Genesisi 41:25 Referans Kwoze

Dhaniyeli 2:45

Nga tile u nga wonisa tona taku ngu mmangoni ku witwe dirigwi, na ku si woneki dianza, ni ku dona di balisete simbi, koporo, dibumba, silivhela ni nzalama, Txizimu txa hombe txi zivisile ka mfumeli a ti ti no maheka msana keto; se mloro wuwa wu tsani, ni txhamuselo ya wona yi thembekile.

Mtuletelo 4:1

Msana keto, ni to wona txiwoniso: Ditimba di nga ti tutwe nzumani, se dipswi do khata di ni nga ti di engisile, do tuma ku nga mpundu, di txi kha dona: “Kwela u txi ta hawa, kasiku ni ta kukomba ati ti no maheka msana ka tiya.”

Vaefesu 1:17

Na kombela ka Txizimu txa Mkoma wathu Jesu Kristu, Tate wa wudhumo, ngu wuzivi wa txona, txi mi ninga moya wa wutxhari ni mtuletelo;

Marku 13:23

I di anu, ti woneleni. Ani ni songolete ku mi gela totshe.”

Matewu 24:40

“Ka yoneyo mbimo, ku na maneka vavamna vambidi thembweni: Mmweyo a na tekwa, mmwani e lekwa.

Amosi 3:7

Ngu ditshuri, Mkoma Txizimu, a na mbi maha txilo na a sa kombisa txihunga txakwe ka sithumi sakwe, vaprofeti.

Dhaniyeli 2:47

Mfumeli a to xamula ka Dhaniyeli, a txi khene: Ngu ditshuri, Txizimu txanu, Njizimu txa sizimu, kambe Mkoma wa vafumeli, ngene m'zivisi wa sihunja, nguko u sikoti kuwonekisa txihunja txiya.

Isaya 43:9

Matiko otshe ma na sengeletane, ni vathu va na tshangane; i mani hagari kwawe a nga sikotako kuzivisa tiya, e hi maha hi engisa timhaka ta kale kani? Kombisani tifakazi tanu, kasi ku mi ti basisa, ni ti to ti pfiwa, ni ti to ku txi wombwa taku: Ditshuri!

Masalmo 98:2

Mkoma a zivisile kuhanyisa kwakwe; masoni ka mifumo a kombisile kululama kwakwe.

Joxuwa 11:6

Se Mkoma a to khene ka Joxuwa: “U nga thave masoni kwawe, nguko mangwana, ka yona yiya mbimo, ani ni nata va ningela votshe va txi dawa masoni ka Israyeli; u nata wilela misiha ya mahantxhi awe, kambe u nata hisetela sikotxikani sawe.”

Genesisi 41:16

Josefa a xamute ka Faro, a txi khene: “Eto kha ti nga kwangu!” Txizimu ngu txona txi no ninga Faro txhamuselo yi yi lavekako.

Eksodha 9:14

Nguko, ka mbimo yiya, ni na ruma makhombo otshe kwako, ni ka mahalamu ako, ni ka votshe vathu vako, kasiku u txi tiziva ti to kha ku nga ho mmwani wo fana ni nani ha ditikoni kotshe.

Genesisi 41:26

Mtxhanu wa tihomu ni timbidi ta vamakati, totshura, ti kombisa mtxhanu wa malembe i mambidi; mtxhanu wa mihumbo ni yimbidi yo tshura yi kombisa mtxhanu wa malembe ni mambidi; aniko mloro wumwewo dwe.

Genesisi 41:28

Ngu toneto, ni nga womba ka Faro; ati Txizimu txi no maha, txi kombisile ka Faro.

Genesisi 41:32

Ngako mloro wuwa wa Faro wu nga woneka sikhati simbidi, tikomba ti to mhakeyo yi tsanisilwe ta tinene ngu Txizimu, kambe Txizimu txi na kuluvetela ku ti maha eto.

Genesisi 40:8

Se vona va mxamute va txi kha vona: “Hi to lora miloro, aniko kha nga ho awu a sikotako ku hi txhamusela.” Josefa a to va wotisa a txi khene: “Ina kutxhamusela kha ku lumbi Txizimu kani? Ni xawuteleni ti mi nga lora!”