Genesisi 41:15 - Bhiblia Yo Sawuleka

¹⁵ Se Faro a wombile ka Josefa, a txi khene: Ani nive ni mloro, aniko kha ka nga maneka m'thu ni wammweyo wo sikota ku wu txhamusela.

Genesisi 41:15 Referans Kwoze

Dhaniyeli 5:16

Ani koko, ni pfite ti taku awe wa sikota kutxhamusela ni kuthavisa kukanakana; se konkuwa, u txi sikota kugonda mibhalo yiya ni ku ni gela txhamuselo ya yona, wu na ambekwa nguwo yo bhilivila, ni liketani la nzalama mkoloni kwako, se u na va mfumeli wa wuraru amu ka mfumo wangu.

Dhaniyeli 5:12

Ngu kumaha keto ku to maneka ka Dhaniyeli moya wa wunene, wa wuzivi, wa mapimo, wo txhamusela miloro, kutxhamusela masambala, ni kuthavisa kukanakana, keyo mfumeli a nga mninga ditina daku i Bhelxazari; konkuwa koko a na dhanwe Dhaniyeli, se ene a ta ninga txhamusela.

Masalmo 25:14

Mkoma a dhunda vale va mthavako ene wa va ninga kuziva Txitumelelano txakwe.

Genesisi 40:8

Se vona va mxamute va txi kha vona: “Hi to lora miloro, aniko kha nga ho awu a sikotako ku hi txhamusela.” Josefa a to va wotisa a txi khene: “Ina kutxhamusela kha ku lumbi Txizimu kani? Ni xawuteleni ti mi nga lora!”

Genesisi 41:8

Se ku to maheka taku, ni mixo, mbilu ya Faro yi maneka yi di ha kukaratekani ka hombe, se e dhana votshe vanyamsoro ni vanyatixolo va ditiko da Egipta, e va xawutela miloro yi a nga va nayo, aniko ni wammweyo kha sikota ku yi txhamusela.

Dhaniyeli 2:3

Se mfumeli a to khene kwawe: “Ni lorile, se moya wangu wa xaniseka ngu kulava kuziva txhamuselo ya mloro wuwa.”

Dhaniyeli 4:9

Awe Bheltexezari, mthangeli wa titxhari, na tiziva ti taku moya wa sizimu so sawuleka wu kwako, aniko kha ku na txihunja txo karata kwako; ningela siwoniso sa mloro wule ni nga lora ni txhamuselo ya kona.

Dhaniyeli 4:18

Eto ni ti woni ngu mloro ani mfumeli Nebhukodhonosori; awe koko, Bheltexazari, ni gele txhamuselo ya kona, nguko totshe titxhari ta ditikoni kwangu ti tandekile ku ni txhamusela, aniko awe wa sikota, nguko moya wa sizimu so sawuleka wuho kwako.

2 Makronika 26:5

Nguko a ti karatile ngu kulava Mkoma, ka masiku a Zakariya txizivi txa siwoniso sa Txizimu; ka masiku otshe ale a nga lava Mkoma, Txizimu txi to mkatekisa.

Dhaniyeli 5:14

Ni khala kupfa va txi womba ngu ngawe, ti taku moya wa sizimu wuho kwako, ni ti taku liwoningo ni mapimo, ni wutxhari wa hombe ngutu si maneka kwako.