Genesisi 41:14 - Bhiblia Yo Sawuleka

¹⁴ Sekoko Faro, a to ruma vathu veya dhana Josefa, va txi kha vona: Kuluveta ku mu humisa ngu mkorani. Ene a to yola maletu, e txitxa syambalo, a txi tsula masoni ka Faro.

Genesisi 41:14 Referans Kwoze

Dhaniyeli 2:25

Sekoko Ariyoki a to kuluveta e yisa Dhaniyeli masoni ka mfumeli a txi khene kwakwe: Ni mani mmweyo hagari ka vanana va tikhumbi ta ka Judha, awu a no txhamusela mloro wa mfumeli.

2 Vafumeli 25:29

A to mthavisa syambalo sa mkorani, Jowakimu a to simama edya kumweko ni mfumeli ka otshe masiku a kuhanya kwakwe.

Isaya 61:3

ni kurumete ka votshe vale va dilako Siyoni, kasi ku va sanzeka m'bhoti wukhaloni ka dikhuma, ni ku va tota mafura a kutsaka wukhaloni ka kudila, ni ku va ambeka wudhumo hahanze ka moya wo xupheka, kasi kuve dhanwa ku mindonga ya kululama, yi nga phaywa ngu Mkoma, kasi ku e mana kudhumiswa.

Esteri 5:1

Ku to maheka koko tito, ka ditshiku da wuraru, Esteri e ambala syambalo sakwe sa wufumeli, se eya ema mndani ka muhubhe wa nyumbani ka mfumeli, ngu masoni ka nyumba ya mfumeli; kambe mfumeli a ti ti khalahatshile ha txikhaloni txakwe txa wukoma, nyumbani ka wukoma, masoni ka txike txa nyumba.

Isaya 61:10

Ni na tsaka ngutu ka Mkoma, muhefemulo wangu wa tsakela Txizimu txangu, nguko txi ni ambekile syambalo sa kuhanyiswa, txi ni fenengeta didhamba da kululama, nga muwuti a ti mbombisako ngu so tshura, ni ku nga txiwutwa txi ti bombisako ngu siketiketi sa txona.

Eksodha 10:16

Sekoko mfumeli Faro, a to dhana Mosi ni Aroni ngu kukuluveta, a txi khene: “Ni onhete Mkoma, Txizimu txanu, ni nanu ni mi onhete.

2 Samuwele 19:24

Mexibhoseti mwana Sawule, a to relela nene e hingeta mfumeli, a to tsula a sa samba minenge, hambi kuwila maletu akwe, hambi kukuwula syambalo sakwe, kukhukhela ka ditshiku di mfumeli a nga khukha ngu dona kala ka ditshiku di mfumeli a nga wuya ngu kudikha.

Ekleziyaste 4:14

Nguko mmwani a huma ngu mkorani a txi ya fuma; ina, awule a nga velekwa i di txisiwana mfumoni kwakwe.