Genesisi 40:9 - Bhiblia Yo Sawuleka

⁹ Sekoko mthangeli wa vatheleli va so sela sa mfumeli, a xamute ka Josefa a txi khene: “Ni lorile ni txi wona masoni kwangu mndonga wa m'vhinya.”

Genesisi 40:9 Referans Kwoze

Dhaniyeli 4:8

Aniko ngu magwito Dhaniyeli, awule ditina dakwe i Bheltexezari, a to ta masoni kwangu, i ku ditina da txizimu txangu, awule moya wa sizimu so sawuleka wu ku txitimwi kwakwe; se ani ni to xawutela mloro masoni kwakwe.

Dhaniyeli 2:31

Awe mfumeli, u to wona txithombe txa hombe; txithombe etxo, i nga ti ti txa hombe, ni kuphatima ngutu, txi di emile masoni kwako. Txithombe txa kona i ti txo thisa ngutu.

Genesisi 40:1

Ngu msana ka totshelele tiya, ku mahekile ti to mtheleli wa so sela sa mfumeli, wa Egipta ni m'bhikeli wakwe wa mapawu, va manekile va di onhete nyamne wawe, mfumeli wa Egipta.

Genesisi 40:2

Se Faro a to henyela ngutu mithenwa yakwe ya yimbidi, ni mthangeli wa vatheleli va so sela, ni mthangeli wa vabhiki va mapawu.

Genesisi 40:8

Se vona va mxamute va txi kha vona: “Hi to lora miloro, aniko kha nga ho awu a sikotako ku hi txhamusela.” Josefa a to va wotisa a txi khene: “Ina kutxhamusela kha ku lumbi Txizimu kani? Ni xawuteleni ti mi nga lora!”

Genesisi 40:10

Se aha ka m'vhinya ku ti ni madhavi mararu: Madhavi ma nga thunga linyempfu, ma txi humisa siluva, si si nga veleka sizangwa sa mauvha o vitwa.