Genesisi 40:20 - Bhiblia Yo Sawuleka

²⁰ Kha ditshuri, ka ditshiku da wuraru, i nga ti ditshiku da kutshanganisa malembe a kuvelekwa ka Faro, ene a to maha m'buso wo mahela vathangeli vakwe votshe, kumweko ni vathangeli va vatheleli vakwe va so sela, ni mthangeli wa vabhiki va mapawu akwe, hagari ka vathangeli vakwe votshe.

Genesisi 40:20 Referans Kwoze

Matewu 14:6

Ngu ditshiku da kutshanganisa malembe a kuvelekwa ka Herodha, mwanana wa muhorana wa Herodhiya a sinyile hagari ka vathu, e tsakisa Herodha.

Genesisi 40:19

mndani ka masiku mararu, Faro a na kuwila msungo wako, a txi kuhayeka txitimwi ka mndonga, se sinyana si txi ta jokotela nyama yako.”

Genesisi 40:13

kambe mndani ka masiku mararu, Faro a na kuguleta u txi tshumelela mthumoni kwako, se u na ya veka kopo manzani ka Faro, madingano ni tolovelo ya kale, mbimo yi u nga ti mtheleli wakwe.

Marku 6:21

Kambe di to hoka ditshiku da dinene, ahawa Herodha a nga mahela tinganakana takwe ni tinduna ta yimbi, ni va hombe va Galileya, m'buso wa kualakanya ditshiku da kuvelekwa kwakwe.

2 Vafumeli 25:27

Msana keto, ku to maheka tito, ka dilembe da magumi mararu ni mtxhanu wa malembe ni mambidi, a wukhumbi wa Jowakimu, mfumeli wa ka Judha, ka mtxima wa digumi ni yimbidi, ngu ditshiku da magumi mambidi ni mtxhanu wa masiku ni mambidi, Evhili-Merodhaki, mfumeli wa Bhabhilona, ka dilembe dile a nga fuma ngu dona, a to txhatxhisa Jowakimi, mfumeli wa ka Judha, nyumbani ka kukhotelwa.

Matewu 25:19

Se msana ka mbimo ya hombe, a to wuya nyamne wa vale va sithumi e va kombela dibhindu da mithumo yawe.

Jobe 3:1

Msana keto, Jobe a to tula txisofu e ruketela ditshiku da kuvelekwa kwakwe.

Esteri 1:3

ka dilembe da wuraru da kufuma kwakwe, a to ramba votshe vathangeli vakwe ni sithumi sakwe (mitamu a Persiya ni Medhiyani, ni vathangeli va hombe va matiko a hombe, va ti ti ho masoni kwakwe),

Genesisi 21:8

Se mwanana a to kula, e lekiswa kumama; sekoko Abrahamu a to maha m'buso wa hombe, ka ditshiku di Isaake a nga lekiswa kumama.

Masalmo 105:19

kala kuza ti maheka atiya Josefa a nga ti ti wombile, se dipswi da Mkoma di kombisile ti to Josefa a womba ditshuri.

Jeremiya 52:31

Ku to maneka koko taku, ka dilembe da wugumi ni mararu a wukhumbi wa Jehoyakimi, mfumeli wa ka Judha, ka mtxima wa wugumi ni yimbidi, ka ditshiku da magumi mambidi ni mtxhanu ka mtxima, aha Evhili-Merodhaki, mfumeli wa Bhabhilona, ka dilembe do khata da kufuma kwakwe, a to guleta msungo wa Jahoyakimi, mfumeli wa ka Judha, e mu humisa ka nyumba ya mkora;

1 Vafumeli 3:15

Se Solomoni a to wuka, e wona taku a ti ko lora. Se a to ta Jerusalema, a txi ta ti veka hafuhi ni dibhokiso da txitumelelano txa Mkoma, se a to ningela miphaxo, a to longisela miphaxo ya kudikha, se a to mahela m'buso wa hombe vathu vakwe votshe.