Genesisi 40:19 - Bhiblia Yo Sawuleka

¹⁹ mndani ka masiku mararu, Faro a na kuwila msungo wako, a txi kuhayeka txitimwi ka mndonga, se sinyana si txi ta jokotela nyama yako.”

Genesisi 40:19 Referans Kwoze

Genesisi 40:22

kasi ngu didhawa da mthangeli wa vabhiki va mapawu, Faro a to rumela ti to e txikitwa, nga ti Josefa a nga txhamuselisa tona, mloro wa yona.

Vagalatiya 3:13

Kristu a dihile kasiku a txi hi tirula ka dikhombo da kuruketelwa ngu Mlayo, ene a ti mahile wo ruketelwa ha wukhaloni kwathu, nguko Mibhalo yi kha yona: “A na ruketelwe wuhi ni wuhi a nga hayekwa ha phandeni.”

Mithumo 20:27

Nguko kha ni zivi kutshumelela msana, yihi ni yihi mbimo ti nga ti laveka kutxhumayela otshe mahungu a Txizimu.

Ezekhiyele 39:4

Awe ni dotshe dibutho dako da yimbi, mi na yawa mimangoni ka Israyeli, ni vathu va va ku ni nawe; u na dyiwa ngu makoti, ni sotshe sinyana si ku ni tibhapi, ni sihari sa txitinga.

Mavingu 30:17

Maso ale ma poyilelako tate mwendo kutxhipisa ngu kwa mbi engisa mame, ma na xokolelwa ngu magwana a txinambwanani, se me dyiwa ngu sisondo sa digama.

2 Samuwele 21:10

Sekoko Risipa, mwana Ayiya a to teka nguwo yo khwaxa, e yi anjala txitimwi ka dirigwi, kukhukhela kukhatani ka kuelula kala ku mati a nzumani me khata ku vanela, kha leka sinyana sa nzumani si tshuketa hafuhi kwakwe ni mitshikari, hambi sihari sa txitinga ni wusiku.

2 Samuwele 21:6

ka vanana vakwe hi ninge mtxhanu wa vavamna ni vambidi, kasiku hi va txikita masoni ka Mkoma, kona Gibheya ka Sawule, wule a nga sawulwa ngu Mkoma. Se mfumeli a to khene: Ni na mi ningeta.

1 Samuwele 17:46

Kona nyamsi Mkoma a na kuningela manzani kwangu; se ni na kudaya, ni wila msungo; kambe sirumbi sa wugoveloni ka Vafilista ni na si ningela kona nyamsi ka sinyana sa nzumani, ni ka sihari sa ha mafuni; aniko mafu otshe ma na ziva taku Txizimu txiho kona Israyeli.

1 Samuwele 17:44

A to khene kambe Mufilista ka Dhavhidha: Ngono kwangu! Ni na ningela nyama yako ka sinyana sa nzumani ni ka sihari sa txitinga.

Joxuwa 10:26

Se msana ka tiya, Joxuwa a to va peka a txi va daya, a txi va hayeka txitimwi ka mindonga ya mtxhanu, ahawa va nga zumba ka yona va di txikitilwe, kala ni minova.

Joxuwa 8:29

Se a to tshongisa mfumeli wa Ayi aha ka phande, kala ni minova; se di ti swite ditambo, Joxuwa a to leleta taku, ku txi thaviswa txirumbi ha phandeni; va txi txi rinza txidingeni ka didhoropa, se va to sengeleta mmumbu wa hombe wa marigwi txitimwi ka txirumbi, kala ka ditshiku da nyamsi.

Genesisi 41:13

Se totshe ti mahekisile tona ti a nga hi txhamuselisa tona: Ani ni manekile ni txi wuyiswa ha mthumoni kwangu, kasi mthangeli wa vabhiki va mapawu, a datwe ngu kutxikitwa.

Genesisi 40:17

se amu ka txirundu txi txi nga ti txitimwi, ku ti ti ni sakudya sa totshe tixaka si a bhikelwako Faro ngu m'bhiki wakwe wa mapawu; se sinyana si to ta jokotela si si nga ti txirunduni, ha msungo kwangu.”

Genesisi 40:13

kambe mndani ka masiku mararu, Faro a na kuguleta u txi tshumelela mthumoni kwako, se u na ya veka kopo manzani ka Faro, madingano ni tolovelo ya kale, mbimo yi u nga ti mtheleli wakwe.

Genesisi 40:18

Sekoko Josefa a to xamula a txi khene: “Txhamuselo ya mloro wuwa ngu yiya: Sirundu siraru si kombisa masiku mararu;

Genesisi 40:20

Kha ditshuri, ka ditshiku da wuraru, i nga ti ditshiku da kutshanganisa malembe a kuvelekwa ka Faro, ene a to maha m'buso wo mahela vathangeli vakwe votshe, kumweko ni vathangeli va vatheleli vakwe va so sela, ni mthangeli wa vabhiki va mapawu akwe, hagari ka vathangeli vakwe votshe.